ग्राहकांना मोठा दिलासा; पेट्रोल-डिझेलचे दर आणखी उतरले

पेट्रोल आणि डिझेलच्या किमती १२ जानेवारीपासून कमी होत आहेत.  जागतिक बाजारात खनिज तेलाच्या प्रति बॅरलचा दर २ टक्क्यांनी कमी होवून ६२.१७ डॉलर झाला आहे. मागणी कमी झाल्याने जागतिक बाजारात खनिज तेलाचे दर घसरले आहेत.

नवी दिल्ली - पेट्रोल-डिझेलचे दर आणखी कमी झाल्याने ग्राहकांना मोठा दिलासा मिळाला आहे. पेट्रोल प्रति लिटर १७ पैशांनी तर डिझेलचे दर प्रति लिटर १९ पैशांनी कमी झाले आहेत. जागतिक बाजारात खनिज तेलाचे दर घसरल्याने सरकारी खनिज तेल विपणन कंपन्यांनी पेट्रोल-डिझेलचे दर कमी केले आहेत.

दिल्लीत पेट्रोलचा दर प्रति लिटर ७४.६५ रुपये आहे. तर मुंबईत ८०.२५ रुपये, कोलकात्यात ७७.२५ रुपये आणि चेन्नईत प्रति लिटर ७७.५४ रुपये असा पेट्रोलचा दर आहे. दिल्लीत डिझेलचा दर प्रति लिटर ६७.२६ रुपये, मुंबईत ७१.२५ रुपये, कोलकात्यात ७०.२२ रुपये आणि चेन्नईत ७१.२० रुपये असा दर आहे. ही माहिती इंडियन ऑईल कॉर्पोरेशन वेबसाईटने दिली आहे.

हेही वाचा-वित्त मंत्रालय प्रजासत्ताक दिनाच्या संचलनात होणार सहभागी; 'या' कामगिरीचे करणार प्रदर्शन

पेट्रोल आणि डिझेलच्या किमती १२ जानेवारीपासून कमी होत आहेत. जागतिक बाजारात खनिज तेलाच्या प्रति बॅरलचा दर २ टक्क्यांनी कमी होवून ६२.१७ डॉलर झाला आहे. मागणी कमी झाल्याने जागतिक बाजारात खनिज तेलाचे दर घसरले आहेत.

हेही वाचा-विम्याची 'ती' रक्कम जीवनानंतर नव्हे जीवनातच; राज्य ग्राहक मंचाने एलआयसीला असा दिला दणका