नवी दिल्ली- ओपो या चिनी स्मार्टफोन कंपनीने गुरुवारी एफ श्रेणीमधील 'एफ १५' हा लाँच केला. हा स्मार्टफोन देशात १९,९९० रुपयांना उपलब्ध होणार आहे. या स्मार्टफोनमध्ये ८ जीबी रॅम आणि १२ जीबी रॉम आहे.
एफ १५ मध्ये मीडिया टेक पी ७० प्रोसेसर आहे. तर वेगवान चार्जिंग होणारे व्हूक (व्हीओओसी) हे फ्लॅश चार्ज ३.० कंपनीने दिले आहे. ओपो एफ १५ हा पांढरा आणि फिक्कट काळ्या रंगात उपलब्ध होणार आहे. ग्राहकांना ओपो स्मार्टफोन अ‌ॅमेझॉन, इंडिया आणि फ्लिपकार्टसह किरकोळ विक्रीच्या दुकानामधून खरेदी करता येणार आहे.
ओपो इंडियाचे उत्पादन आणि विपणन उपाध्यक्ष सुमित वालिया म्हणाले, ग्राहकांना उच्च अनुभव देण्यासाठी सीमा ओलांडण्यावर कंपनीचा विश्वास आहे. यामध्ये केवळ मजा (फन), नवनिर्मिती, वेगच नाही तर अतुलनीय अशी दिमाखदार रचना आहे.
हेही वाचा-अर्थसंकल्पादिवशीच बँक कर्मचाऱ्यांचा 2 दिवसीय संप
मोबाईलमध्ये ४,००० एमएच बॅटरी आहे. स्मार्टफोन हा ७.९ मिलिमीटर जाड आणि १७२ ग्रॅम वजनाचा आहे. मोठा विस्तृत अँगल असलेला मॅक्रो क्वाडक्वॅमचा ४८ मेगापिक्सेलचा कॅमेरा आहे. त्यामध्ये ४८ रिअर कॅमेरा सेन्सर वापरले आहेत. त्यामुळे छायाचित्रे अधिक गडद आणि स्पष्टपणे घेता येतात.
हेही वाचा-'जीएमआर'चा ४९ टक्के शेअर टाटा ग्रुपच्या कंपनीला विकण्याचा निर्णय
ओपो एफ १५ ला १६ मेगापिक्सेलचा सेल्फी कॅमेरा आहे. त्यामध्ये एफ/२.० हे फीचर आहे. स्मार्टफोनमध्ये बॉडीच्या तुलनेत स्क्रीनचे ९०.७ असे गुणोत्तर आहे. तर २४००X१०८० अशी स्पष्टता असलेला एफएचडी + एएमओएलईडी असलेला स्क्रीन आहे. त्यामुळे ग्राहकांना गेमिंगचा चांगला अनुभव घेता येणे शक्य होते, असे कंपनीने म्हटले आहे.
