नवी दिल्ली- कोरोनाचा प्रसार आणि लॉकडाऊनमुळे गेल्या सहा महिन्यांपासून सण-उत्सवांवर मर्यादा आल्या आहेत. आता दसरा-दिवाळी तोंडावर असून 'अनलॉक' प्रक्रियेमुळे हे सण आता जोरात साजरे होण्याची शक्यता आहे. त्यासाठीची तयारी बाजारांमध्ये सुरू आहे. त्यातच सध्या हाती आलेल्या एका सर्वेक्षणातून ऑनलाइन खरेदी 51 टक्क्यांपर्यंत वाढल्याचे समोर आले आहे.
2019 मध्ये स्थानिक पातळीवर केवळ 27 टक्के ग्राहकांनी ऑनलाइन खरेदीला प्रथम प्राधान्य दिले होते. मात्र, यावेळची परिस्थिती वेगळी आहे. वर्ष २०२० मध्ये करण्यात आलेल्या सर्वेक्षणातून ही बाब समोर आली आहे की, 51 टक्के लोक ऑनलाइन खरेदीला पसंती देत असून त्यासाठी ई-कॉमर्स संकेतस्थळे, विविध अनुप्रयोगांचा (अॅप्स) उपयोग करत आहेत.