नवी दिल्ली- सोन्याचे दर दिल्लीत प्रति तोळा ११६ रुपयांनी वाढून ४४,३७४ रुपये आहेत. जागतिक बाजारात रात्रीत सोन्याचे दर वाढल्याने हा परिणाम झाल्याचे एचडीएफसी सिक्युरिटीजने म्हटले आहे. मागील सत्रात सोन्याचा दर प्रति तोळा ४४,२५८ रुपये होते.
सोन्याचे दर वधारले असले तरी चांदीचे दर घसरले आहेत. चांदीचा दर प्रति किलो ११७ रुपयांनी घसरून ६५,२९९ रुपये आहे. मागील सत्रात चांदीचा दर प्रति किलो ६५,४१६ रुपये होता.
एचडीएफसी सिक्युरिटीजचे वरिष्ठ विश्लेषक (कमोडिटीज) तपान पटेल म्हणाले की, दिल्लीत २४ कॅरेट सोन्याचा दर हा प्रति १० ग्रॅमला ११६ रुपयांनी वाढला आहे. जागतिक बाजारात सोन्याचे वाढलेले दर आणि रुपयाचे वाढलेले मूल्य या कारणांनी सोन्याच्या किमती वाढल्या आहेत. मंगळवारी रुपयाचे सकाळच्या सत्रात मूल्य डॉलरच्या तुलनेत ३ पैशांनी वाढ ७२.३४ रुपये आहे.