मुंबई - पंजाब नॅशनल बँकेची फसवणूक करणाऱ्या मेहुल चोक्सीचे आणखी एक फसवणुकीचे प्रकरण समोर आले आहे. चोक्सीने पंजाब आणि सिंध बँकेची ४४.१ कोटींची फसवणूक केली आहे.
मेहुल चोक्सी हा वेस्ट इंडिजमधी अँटिगा आणि बार्बाडोसचा रहिवासी नागरिक झाला आहे. पीएसबीने चोक्सीला कर्जबुडवा असे जाहीर केले आहे. पीएसबीच्या माहितीनुसार चोक्सीची कंपनी गीतांजली जेम्स लि. आणि गीतांजली एक्सपोर्ट लि. या कंपनीने बँकेकडून कर्ज घेतले होते. कंपनीचे कर्ज फेडण्याची चोक्सी याने बँकेला हमी दिली होती. कर्ज थकविल्यानंतर बँकेने ते कर्ज ३१ मार्च २०१८ ला बुडित कर्ज (एनपीए) म्हणून जाहीर केले. त्यानंतर चोक्सी आणि त्याचे कुटुंब हे विदेशात पळून गेले आहेत.