नवी दिल्ली - एलॉन मस्कची मालकी असलेल्या स्पेसएक्स स्टारलिंक इंटरनेट कंपनीने भारतासह जगभरात सेवा सुरू करणार असल्याचे जाहीर केले आहे. स्टारलिंकने २०२२ पर्यंत भारताच्या काही भागात इंटरनेट सेवा देण्यासाठी आगाऊ नोंदणी सुरू केली आहे. आगाऊ नोंदणी केल्यास ९९ डॉलरपर्यंतची रक्कम कंपनीकडून ग्राहकांना परत दिली जाणार आहे.
'मर्यादित जागा आहेत. पहिल्यांदा येणाऱ्यांना प्राधान्यांची ऑर्डर पूर्ण करण्यात येईल', असे स्टारलिंकने वेबसाईटवर म्हटले आहे. इंटरनेटसाठी आगाऊ नोंदणी ही इंडिया कॉलनी रोड, बापूनगर, अहमदाबाद, गुजरात, इंडिया कॉफी हाऊस रोड, इंदूर, मध्यप्रदेश या भागांसाठी होणार आहे. स्टारलिंक उपग्रहाच्या माध्यमातून इंटरनेट सेवा देण्यात येणार आहे. यामधून जगभरातील दुर्गम भागातही कमी दरात ३०० एमबीपीएस वेगाने इंटरनेट सेवा देण्यात येणार आहे.