आर्थिक दुर्बल घटकांच्या लसीकरणाकरिता मलबार गोल्डकडून ८ कोटींची मदत

मलबार ग्रुपचे चेअरमन एम. पी. अहमद म्हणाले, की कोरोनाच्या मोठ्या संकटाचा देश सामना करत आहे. त्यामुळे कोरोनाचा संसर्ग रोखण्यासाठी लसीकरण महत्त्वाचे झाले आहे.

मुंबई - ज्वेलरी विक्री करणारी कंपनी मलबार गोल्ड आणि डायमंड्सने 1 लाख मोफत लशींसाठी 8 कोटींची मदत जाहीर केली आहे. ही मदत कंपनीने चॅरीटबल ट्रस्ट आणि रुग्णालयाच्या मदतीने जाहीर करण्यात आली आहे.

मलबार ग्रुपचे चेअरमन एम. पी. अहमद म्हणाले, की कोरोनाच्या मोठ्या संकटाचा देश सामना करत आहे. त्यामुळे कोरोनाचा संसर्ग रोखण्यासाठी लसीकरण महत्त्वाचे झाले आहे. लसीकरणाच्या राष्ट्रीय मोहिमेत पहिले पाऊल म्हणून आम्ही योगदान दिले आहे. कंपनीच्या सेवा आणि पायाभूत सुविधांचा वापर हा आर्थिकदृष्ट्या दुर्बल घटकांच्या कोरोना लसीकरणासाठी करण्यात येणार आहे. कंपनीच्या परिसरात व आघाडीच्या रुग्णालयांमध्ये लसीकरण करण्यात येणार आहे.

हेही वाचा-केंद्रीय अर्थमंत्रालयाकडून 'आयुष्यमान भारत'ला ठेंगा; तरतुदीपैकी केवळ ७ टक्के निधी - आरटीआय

2021 पर्यंत कोरोना लसीकरण पूर्ण होईल

भारतात डिसेंबर 2021 पर्यंत कोरोना लसीकरण पूर्ण होईल, असा विश्वास आयसीएमआरने व्यक्त केला आहे. साधारणत: जुलै महिन्यापासून देशात दरमहा 'कोवॅक्सिन'च्या साडेपाच कोटी तर 'कोविशिल्ड'च्या 2 कोटी मात्रा उपलब्ध होतील, अशी माहितीही केंद्र सरकारच्या वतीने मुंबई उच्च न्यायालयात देण्यात आली.

हेही वाचा-आरबीआयच्या पतधोरण समितीची बैठक आजपासून सुरू; जाणून घ्या, तज्ज्ञांचा अंदाज

1300 डॉक्टरांचा कोरोनाने घेतला बळी -

मार्च 2020 पासून सरकारी आणि खासगी डॉक्टर कोरोना रुग्णांवर उपचार करत आहेत. यादरम्यान हे डॉक्टर कोरोना ग्रस्त होत असून त्यात अनेकांना आपला जीव गमवावा लागत आहे. त्यानुसार आतापर्यंत एप्रिल 2020 ते मे 2021 दरम्यान देशभरातील अंदाजे 1300 डॉक्टर कोरोनामुळे दगावले असल्याची माहिती डॉ रामकृष्ण लोंढे, अध्यक्ष आयएमए महाराष्ट्र यांनी दिली आहे.