मुंबई- येस बँकेवरील आर्थिक संकट दूर करण्यासाठी एचडीएफसी बँक, कोटक महिंद्रा बँक, आयसीआयसीआय बँक यांनी पुढाकार घेतला आहे. येस बँकेत १ हजार कोटी रुपयांची गुंतवणूक करण्यासाठी एचडीएफसी बँकेच्या संचालक मंडळाने मंजुरी दिली आहे. तर कोटक महिंद्रा बँकेने येस बँकेत ५०० कोटी रुपयांची गुंतवणूक करण्याची तयारी दर्शविली आहे.
एचडीएफसी बँक येस बँकेचे १००० कोटी रुपयांचे शेअर प्रति १० रुपयांनी विकत घेणार आहे. ही गुंतवणुकीची प्रक्रिया ३१ मार्चपर्यंत पूर्ण होणार असल्याचे एचडीएफसी बँकेने म्हटले आहे. कोटक महिंद्राही ५०० कोटी रुपयांचे येस बँकेचे शेअर खरेदी करणार आहे.