नवी दिल्ली- संपूर्ण जगावर संकट आणणाऱ्या कोरोनाची लस तयार करण्यासाठी विविध कंपन्यांनी प्रयत्न सुरू केले आहेत. या स्पर्धेत आघाडीवर असलेल्या कंपनीपैकी पुण्याची सिरम इन्स्टिट्यूट ऑफ इंडियाने (एसआयआय) सप्टेंबर-ऑक्टोबरदरम्यान मानवावर चाचणी घेणार असल्याचे म्हटले आहे.
कोरोनाची लस ही अमेरिकेची जैवतंत्रज्ञान कंपनी कोडोजेनिक्सच्या सहकार्याने केल्याची माहिती सिरमचे सीईओ अदार पूनावाला यांनी वृत्तसंस्थेला दिलेल्या मुलाखतीत सांगितले. पुढे ते म्हणाले, की कोरोनाच्या संकटावर मात करण्यासाठी लवकरात लवकर लस तयार करणे हा उद्देश आहे. या लसीची उंदीर आणि वानरावर चाचणी घेण्यात आली. त्यामध्ये लस ही परिणामकारक दिसून आली आहे.