मुंबई - देशात अ‌ॅम्युझमेंट पार्क क्षेत्र हे २ हजार ३०० कोटी रुपयांचे आहे. या क्षेत्रामधून थेट ८० हजार जणांना रोजगार देण्यात येतो. कोरोनाचे संकट आणि टाळाबंदीमुळे अ‌ॅम्युझमेंट पार्क क्षेत्र अडचणीत सापडले आहे. या क्षेत्राला सरकारने मदत करावी, अशी आयएएपीआय संघटनेने मागणी केली आहे.
इंडियन असोसिएशन ऑफ अ‌ॅम्युझमेंट पार्क्स अँड इंडस्ट्रीजने (आयएएपीआय) पंतप्रधान नरेंद्र मोदींना पत्र लिहून दिलासादायक निर्णय घेण्याची मागणी केली आहे. संघटनेचे महासचिव अनिल पडवळ म्हणाले, मार्च ते जूनदरम्यान आम्हाला वर्षभरातील ४० टक्के उत्पन्न मिळत असते.