कोरोनाची दुसरी लाट आली तर.. ४२ टक्के कंपन्यांचे शून्य नियोजन

कोरोनाच्या दुसऱ्या लाटेकरता केवळ ८ टक्के सीएफओने नियोजन केल्याचे गार्टनरच्या सर्वेक्षणामधून समोर आले आहे. कंपन्यांच्या चिफ ऑपरेटिंग ऑफिसरपैकी केवळ २२ टक्क्के जणांना कोरोनाची दुसरी लाट येईल, असे वाटते. याचा अर्थ बहुतांश कंपनीचे अधिकारी कोरोनाच्या संकटावर तयार नाहीत.

नवी दिल्ली - कोरोनाची दुसरी लाटेवर कंपन्यांचे शून्य नियोजन असल्याचे समोर आले आहे. कंपन्यांचे ४२ टक्के चिफ ऑपरेटिंग ऑफिसरने (सीएफओ) कोरोनाच्या दुसऱ्या लाटेसाठी नियोजन नसल्याचे सर्वेक्षणात सांगितले आहे.

कोरोनाच्या दुसऱ्या लाटेकरता केवळ ८ टक्के सीएफओने नियोजन केल्याचे गार्टनरच्या सर्वेक्षणामधून समोर आले आहे. कंपन्यांच्या चिफ ऑपरेटिंग ऑफिसरपैकी केवळ २२ टक्क्के जणांना कोरोनाची दुसरी लाट येईल, असे वाटते. याचा अर्थ बहुतांश कंपनीचे अधिकारी कोरोनाच्या संकटावर तयार नाहीत. अनेक कंपन्यांच्या अधिकाऱ्यांना संपूर्ण कामकाज सुरू झाल्यास काळजी घेण्याची गरज वाटते. गार्टनर फायनान्स प्रॅक्टिसचे (संशोधन) उपाध्यक्ष अलेक्झांडर बँट यांनी म्हटले, की २०२० मध्ये विविध प्रकल्पांमधून महसूल आणि नफा मिळविण्याचा सीएफओ यांचा प्रयत्न आहे. मात्र, कोरोनाच्या दुसऱ्या लाटेसाठी ४२ टक्के सीएफओ यांनी नियोजन केले नाही, हे आश्चर्यकारक आहे.

हेही वाचा-देशाचा बहुमान! किरण मुझुमदार यांची सलग सहाव्यांदा 'या' यादीत निवड

८१ टक्के सीएफओ हे कामकाज सुरू करण्यासाठी राज्य आणि स्थानिक यंत्रणांची परवानगी घेण्यावर विचार करणार आहेत. तर केवळ ४ सीएफओ टक्के हे यंत्रणेच्या परवानगीनंतरही कर्मचाऱ्यांना कार्यालयात त्वरित आणण्यावर सहमत आहेत.

हेही वाचा- 'अर्थव्यवस्था झोपण्यापासून वाचविण्याकरता तत्काळ सुधारणा करा'

दरम्यान, टाळेबंदी आणि कोरोनामुळे देशाच्या अर्थव्यवस्थेवर परिणाम होत आहे. त्या पार्श्वभूमीवर उद्योग सुरू करावेत व आर्थिक उपाययोजना कराव्यात, अशी मागणी उद्योगक्षेत्रामधून करण्यात येत आहे.

हेही वाचा-थ्रीडी तंत्रज्ञानाचा वापर करून तयार केले 'मास्क'; जळगावातील विद्यार्थ्यांचा अविष्कार