नवी दिल्ली- देशात इंधनाच्या किमती जवळपास दोन आठवडे 'जैसे थे' राहिल्या आहेत. जागतिक बाजारात कच्च्या तेलाचे दर अस्थिर राहूनही सरकारी कंपन्यांनी कच्च्या तेलाचे दर वाढविले नाहीत.
पेट्रोलचा दर दिल्लीत प्रति लिटर ९१.१७ रुपये आहे. तर डिझेलचे दर प्रति लिटर ८१.४७ रुपये आहे. गेली १३ दिवस देशभरात कच्च्या तेलाचे दर बदलण्यात आले नाहीत. मात्र, असे असले तरी देशातील काही शहरांमध्ये पेट्रोलचे दर प्रति लिटर १०० रुपयांहून अधिक आहेत.
हेही वाचा-सॅमसंग गॅलक्सी एम १२ भारतात लाँच; जाणून घ्या वैशिष्ट्ये
फेब्रुवारीमध्ये कच्च्या तेलाचे दर प्रति बॅरल ७ डॉलरहून अधिक झाले आहेत. तर सरकारी तेल कंपन्यांनी फेब्रुवारीत चौदा वेळा इंधनाचे दर वाढविले आहेत. या दरवाढीनंतर दिल्लीत पेट्रोलचे दर प्रति लिटर ४.२२ रुपयांनी तर डिझेलचे दर प्रति लिटर ४.३४ रुपयांनी वाढले आहेत. सध्या, कच्च्या तेलाचे दर जागतिक बाजारात प्रति बॅरल सुमारे ६९.५ डॉलर आहेत.