अहमदनगर - मोदी सरकारने पाच वर्षांत केवळ बनवाबनवी केली. शेतकऱ्याच्या पदरी या काळात फक्त निराशाच आली, असा आरोप काँग्रेस नेते बाळासाहेब थोरात यांनी मोदी सरकारवर केला. ते अकोले तालुक्यातील राजूर येथे प्रचारसभेत बोलत होते. त्यावेळी त्यांच्यासोबत मधुकर पिचडदेखील उपस्थित होते.
काँग्रेस नेते बाळासाहेब थोरात प्रचारसभेत भाषण करताना
थोरात म्हणाले की, मोदींचा अंबानींवर जास्त जीव आहे. राफेल करारात त्यांनी अंबानींचा फायदा करुन दिलाच. पण, पिक विमा योजनेत सुद्धा फायदा करुन दिला. देशभरातून ४० हजार कोटी रुपये पिक विम्याच्या माध्यमातून त्यांनी अंबानींना दिले. जीएसटीसारखी योजना आणून सामान्य माणसाचे आयुष्य कठीण करुन टाकले, असे थोरात म्हणाले.