अकोला- जिल्ह्यात आज प्राप्त झालेल्या अहवालांमध्ये सकाळी 31 आणि सायंकाळी दोन असे एकूण 33 जण कोरोना पॉझिटिव्ह सापडले आहेत. त्यासोबतच सकाळी दोघांचा आणि सायंकाळी एका रुग्णाचा असा एकूण दिवसभरात तिघांचा मृत्यू झाला आहे. दिलासादायक बातमी म्हणजे, आज सायंकाळी 85 जणांनी कोरोनावर मात केली असून त्यांना डिस्चार्ज देण्यात आला आहे.
सायंकाळी आढळलेल्या 2 पॉझिटिव्ह रुग्णांमध्ये एक पुरुष व एक महिला असून ते अकोट फैल व खदान येथील रहिवासी आहेत. दरम्यान, दुपारनंतर बैदपुरा येथील 55 वर्षीय महिलेचा मृत्यू झाला आहे. ही महिला 2 जून रोजी रुग्णालयात दाखल झाली होती. तिचा आज उपचार घेताना मृत्यू झाला. दुपारनंतर 85 जणांना डिस्चार्ज देण्यात आला. त्यात शासकीय वैद्यकीय महाविद्यालयातून 12 जणांना तर कोविड केअर सेंटर येथून 73 जणांना डिस्चार्ज देण्यात आला आहे.
प्राप्त अहवालानुसार
प्राप्त अहवाल-298
पॉझिटिव्ह अहवाल-33