बंगळुरूWorld Cup 2023: विश्वचषक 2023 मध्ये नेदरलँड्सविरुद्ध प्रथम फलंदाजी करताना भारतीय संघानं 410 धावांची मोठी मजल मारली. (Netherlands vs India Match) नाणेफेक जिंकल्यानंतर प्रथम फलंदाजीसाठी आलेल्या भारतीय संघाच्या सर्व फलंदाजांनी चमकदार कामगिरी केली. (KL Rahul) या सामन्यात केएल राहुल आणि श्रेयस अय्यर यांनी शतकी खेळी खेळली. (Indian Cricket Team) या सामन्यात फलंदाजीसाठी आलेल्या केएल राहुलनं शतक झळकावताच त्यानं राहुल द्रविडच्या विक्रमाची बरोबरी केली. यापूर्वी विश्वचषकाच्या इतिहासात अशी कामगिरी करणारा राहुल द्रविड (Cricketer Rahul Dravid) एकमेव यष्टीरक्षक फलंदाज होता.
राहुल द्रविडनं केला होता विक्रम: खरं तर, विश्वचषकाच्या इतिहासात भारतासाठी शतक झळकावणारा राहुल द्रविड हा एकमेव यष्टीरक्षक होता. 1999 च्या विश्वचषकात त्यानं श्रीलंकेविरुद्ध 145 धावांची खेळी खेळली होती आणि 1999 नंतर आजपर्यंत हा विक्रम कायम होता. केएल राहुलनं भारतासाठी यष्टीरक्षक म्हणून शतक झळकावलं आहे. तो विश्वचषकात यष्टीरक्षक म्हणून शतक झळकावणारा दुसरा फलंदाज ठरला आहे.