Vizhinjam Police Station Attack : विझिंजम पोलीस ठाण्यावर हल्ला, 3000 लोकांवर गुन्हा दाखल

अतिरिक्त पोलीस महासंचालक एम आर अजित कुमार यांनी प्रसारमाध्यमांना सांगितले की, पोलीस स्टेशनची तोडफोड करणाऱ्या जमावाने रविवारी संध्याकाळी केलेल्या हल्ल्यात जखमी झालेल्या सुमारे 36 पोलीस कर्मचाऱ्यांना तिरुअनंतपुरममधील विविध रुग्णालयात दाखल करण्यात आले आहे. (Vizhinjam police station attack).

तिरुवनंतपुरम : केरळच्या विझिंजम भागात रविवारी रात्री अडानी बंदर प्रकल्पाविरोधात सुरू असलेल्या आंदोलनादरम्यान (Kerala protest against adani port project) झालेल्या हिंसक संघर्षांप्रकरणी 3000 हून अधिक जणांवर गुन्हा दाखल करण्यात आला आहे. (Vizhinjam police station attack). पोलिसांनी सांगितले की, पोलिस स्टेशनची तोडफोड आणि पोलिस कर्मचार्‍यांना जखमी केल्याबद्दल 3000 'ओळखण्यायोग्य व्यक्तीं' विरुद्ध गुन्हे दाखल करण्यात आले आहेत. या हिंसाचारात तब्बल 36 पोलीस कर्मचारी जखमी झाल्याची माहिती आहे. रविवारी राज्य पोलिसांनी विझिंजाम येथील हिंसाचाराबद्दल मेट्रोपॉलिटन आर्चबिशप थॉमस जे नेट्टो आणि परेरा यांच्यासह किमान 15 लॅटिन कॅथोलिक धर्मगुरूंविरुद्ध एफआयआर दाखल केला होता.

पोलिस स्टेशनची तोडफोड केली : अतिरिक्त पोलीस महासंचालक एमआर अजित कुमार यांनी प्रसारमाध्यमांना सांगितले की, पोलीस स्टेशनची तोडफोड करणाऱ्या जमावाने रविवारी संध्याकाळी केलेल्या हल्ल्यात जखमी झालेल्या सुमारे 36 पोलीस कर्मचाऱ्यांना तिरुअनंतपुरममधील विविध रुग्णालयात दाखल करण्यात आले आहे. कुमार म्हणाले, "संध्याकाळी पोलिस स्टेशनमध्ये जमाव जमला आणि दुसर्‍या प्रकरणात अटक करण्यात आलेल्या काही लोकांच्या सुटकेची मागणी केली. त्यांनी पोलिस स्टेशनची तोडफोड केली आणि अधिकार्‍यांवर हल्ला केला. एका SI च्या पायाला फ्रॅक्चर झाले आहे”. कुमार म्हणाले की, पोलिसांच्या वतीने कोणतीही चिथावणी दिली गेली नाही. ते म्हणाले की अधिकारी जास्तीत जास्त संयम ठेवून या प्रदेशात कायदा व सुव्यवस्था राखण्याचा प्रयत्न करीत आहेत. या आंदोलनाला हिंसक वळण लागले तेव्हा पोलिसांना जमावाला पांगवण्यासाठी लाठीचार्ज आणि अश्रुधुराचा वापर करावा लागला. सुमारे 600 पोलीस आधीच या प्रदेशात तैनात करण्यात आले होते आणि त्यांच्यात आणखी 300 जोडले गेले आहेत, असेही कुमार म्हणाले.

आंदोलक जनतेला त्रास देणार नाहीत : तिरुअनंतपुरममध्ये जिल्हा प्रशासनाने रविवारी रात्री लॅटिन चर्च अधिकाऱ्यांसोबत बैठक घेतली, जे बंदर प्रकल्पाच्या विरोधात आंदोलनाचे नेतृत्व करत होते. आंदोलकांच्या वतीने सलोखा बैठकीला उपस्थित असलेले व्हिकर जनरल यूजीन परेरा यांनी प्रसारमाध्यमांना सांगितले की, प्रदेशात जमलेले आंदोलक जनतेला कोणताही त्रास होऊ देणार नाहीत. "आजची चर्चा आता संपली आहे. आजूबाजूच्या भागात जमलेले लोक जनतेला कोणताही त्रास न होता तेथून निघून जातील. सकाळी चर्चा सुरू राहतील. आम्ही अधिकाऱ्यांसोबत अनेक बैठका घेणार आहोत," असे त्यांनी रविवारी सांगितले. परेरा म्हणाले की, आंदोलकांवर नोंदवलेल्या गुन्ह्यातील तथ्य हिंसाचाराच्या संदर्भात पडताळून पाहावे लागेल आणि चर्चचे प्रतिनिधी जिल्हाधिकारी यांनी बोलावलेल्या सोमवारच्या बैठकीला उपस्थित राहतील. पोलिसांनी पाच स्थानिकांना कारण न सांगता ताब्यात घेतल्याचा आरोप त्यांनी केला. "अनेक लोक जखमी झाले आहेत आणि त्यांना शहरातील विविध रुग्णालयात दाखल करण्यात आले आहे. किती जण जखमी आहेत हे अद्याप आम्हाला माहीत नाही. काही लोक बेपत्ता असल्याचे सांगण्यात येत आहे. त्यामुळे उद्याच्या बैठकीत आम्ही सर्व बाबींचा समावेश करू," असे परेरा म्हणाले.

विझिंजममध्ये अस्वस्थता : विझिंजममध्ये परिस्थिती नियंत्रणात ठेवण्यासाठी तगडा पोलीस बंदोबस्त तैनात करण्यात आल्याने सोमवारी सकाळी विझिंजममध्ये अस्वस्थता पसरली होती. रविवारी रात्री उशिरा आंदोलकांनी घटनास्थळी उपस्थित असलेल्या माध्यमांवर हल्ला केला होता. ACV स्थानिक चॅनलचे कॅमेरापरसन, शेरीफ एम जॉन यांच्यावर आंदोलकांनी हल्ला केला, ज्यांनी त्यांच्या कॅमेराचे नुकसान केले आणि त्यांचा सेलफोन हिसकावून घेतला. त्यांना तिरुवनंतपुरम मेडिकल कॉलेज हॉस्पिटलमध्ये हलवण्यात आले आहे.