पुलवामा (जम्मू आणि काश्मीर): जम्मू-काश्मीरमधील पुलवामा येथे १४ फेब्रुवारी २०१९ रोजी झालेल्या दहशतवादी हल्ल्याची आज चौथी वर्षपूर्ती आहे. यावेळी एडीजी बीएसएफ काश्मीर झोन विजय कुमार म्हणाले की, हल्ल्यात सहभागी असलेल्या १९ दहशतवाद्यांवर कारवाई करण्यात आली आहे. लष्कराच्या कारवाईत 8 दहशतवादी मारले गेले तर 7 पकडले गेले. पकडलेल्या दहशतवाद्यांमध्ये 3 पाकिस्तानी नागरिकांसह 4 जण अजूनही जिवंत आहेत.
जवळपास सर्वच प्रमुख कमांडर मारले:एडीजी कुमार यांनी 2019 मध्ये शहीद झालेल्या CRPF जवानांना श्रद्धांजली वाहिली. त्यानंतर त्यांनी प्रसारमाध्यमांशी संवाद साधताना सांगितले की, सुरक्षा दलांनी जैश-ए-मोहम्मद आणि त्यांचे जवळपास सर्व प्रमुख कमांडर मारले आहेत. त्याने सांगितले की, जैश कमांडर मुसा सुलेमानी कुलगाममध्ये सक्रिय आहे, त्याला पकडण्याचे प्रयत्न सुरू आहेत. त्यात लवकरच यश येईल. सध्या जैशकडे फक्त सात किंवा आठ स्थानिक आणि पाच ते सहा सक्रिय पाकिस्तानी आहेत, ज्यात कुलगाम जिल्ह्यात लपलेला मुसा सुलेमानी आहे, असे ते म्हणाले. त्याला पकडण्यासाठी सुरक्षा दल सातत्याने प्रयत्न करत आहेत.
प्रकरणांची संख्या घटली:एडीजी विजय कुमार म्हणाले की, ते दहशतवाद्यांच्या मॉड्यूलचा पर्दाफाश करत आहेत. एका प्रश्नाला उत्तर देताना ते म्हणाले की, 'आम्ही 41 लाख रुपये वसूल करू शकलो आहोत आणि नुकतेच बारामुल्लामध्ये 26 लाख रुपये वसूल करण्यात आले आहेत. अशा उपक्रमात सहभागी असलेल्या OGWs विरुद्ध नोंदवण्यात आलेले खटले जलदगतीने हाताळले जात असल्याचेही ते म्हणाले. गेल्या वर्षी ऑक्टोबरमध्ये अशा प्रकरणांची संख्या 1600 वरून 950 वर आली असून आतापर्यंत 13 जणांना शिक्षा झाली आहे. कुलगाम जिल्ह्यात मुसा सुलेमानीसह 6 सक्रिय पाकिस्तानी लपले आहेत, ते म्हणाले की, पोलिस त्यांच्या मागावर आहेत आणि त्यांना लवकरच मारले जाईल.
पुलवामात झाला होता मोठा हल्ला: लोकसभा निवडणुकीपूर्वी 14 फेब्रुवारी 2019 रोजी जम्मू-श्रीनगर राष्ट्रीय महामार्गावर सीआरपीएफच्या जवानांवर भीषण दहशतवादी हल्ला झाला होता. पहाटे ३.३० वाजता 78 बसेसमध्ये 2500 सीआरपीएफ जवानांना घेऊन बसनिघाली होती. जैश ए महम्मद दहशतवादी संघटनेच्या दहशतवाद्यांनी या जवानांवर हल्ला केला होता. बस पुलवामा येथे पोहोचताच रस्त्याच्या पलीकडून येणाऱ्या कारने या बसला धडक दिली. ही कार स्फोटकांनी भरलेली होती. हे वाहन सैनिकांच्या ताफ्यावर आदळताच मोठा स्फोट झाला. जवळपास ४० जवान या घटनेत शहिद झाले होते.
हेही वाचा: Pulwama attack : फक्त व्हॅलेंटाईन डेची आठवण ठेवू नका, याच दिवशी पुलावामामध्ये जवान झाले होते शहीद
