रांची -आई होणे हा स्त्रीच्या आयुष्यातला महत्त्वाचा काळ. एका महिलेने तीन मुलांना जन्म दिला आहे. महिला आणि मुले पूर्णपणे निरोगी आहेत. विशेष म्हणजे, महिलेची प्रसूती सामान्य झाली आहे. झारखंडच्या रांची जिल्ह्यातील बेडो ब्लॉक मुख्यालयात असलेल्या सामुदायिक आरोग्य केंद्रात ही घटना घडली.
झारखंडच्या महिलेने दिला तीन बाळांना जन्म रोगाडीह पतरा टोळी या गावी राहणारी बिरसा उरांव यांची पत्नी होलिका तिग्गा यांना बाळंतपणानंतर सीएचसीमध्ये दाखल केले. तीने सोमवारी दुपारी 1:10 वाजता पहिल्या मुलाला जन्म दिला. दुसर्‍या मुलाचा जन्म 1.15 वाजता व तिसरा मुलगा 1.18 वाजता झाला.
तिन्ही मुले निरोगी आहेत. अडीच किलोग्राम वजन सामान्य मानले जाते. परंतु या मुलांचे वजन यापेक्षा कमी आहे. पण यात कोणतीही अडचण नाही. जेव्हा गर्भाशयात एकापेक्षा जास्त मुले असतात तेव्हा बहुतेक वेळा मुलांचे वजन थोडे कमी राहते, असे डॉ प्रियंका यांनी सांगितल्या.
महिलेने दिला तब्बल पाच किलोच्या बाळाला जन्म -
मध्य प्रदेशच्या मंडलामध्ये एका महिलेने तब्बल 5.1 किलो वजनाच्या बाळाला जन्म दिला. ही प्रसूती सामान्यपणे कोणत्याही ऑपरेशनशिवाय पार पडली असून, महिला आणि बाळ दोघांची तब्येत उत्तम असल्याचे डॉक्टरांनी सांगितले. साधारणपणे नवजात बाळांचे वजन हे अडीच ते चार किलोंच्या आसपास असते. मात्र या मुलीचे वजन त्या तुलनेत अगदीच जास्त आहे. मुलीची उंची 1.77 फूट आहे अशी माहिती डॉक्टरांनी दिली. जन्मताच पाच किलो वजन असल्याचे, जिल्ह्यातील नव्हे तर राज्यातील हे पहिलेच प्रकरण असू शकते असा डॉक्टरांनाच अंदाज आहे.
