मेडचल/ मलकाजगिरी (तेलंगणा) Rajnath Singh attends Combined Graduation Parade : केंद्रीय संरक्षण मंत्री राजनाथ सिंह यांनी आज डुंडीगल इथं वायुसेना अकादमी (AFA) आयोजित 212 व्या अधिकारी अभ्यासक्रमाच्या संयुक्त पदवी परेड (CGP) ला उपस्थित राहून पदवीधर प्रशिक्षणार्थींना नवीन विचार आणि नवीन विचारांबद्दलचा मोकळेपणा गमावू नये असं आवाहन केलं.
काय म्हणाले राजनाथ सिंह: भारतीय वायुसेनेच्या विविध शाखांमधील फ्लाइट कॅडेट्सचे प्री-कमिशनिंग प्रशिक्षण यशस्वीपणे पूर्ण झाल्याबद्दल संयुक्त पदवी परेडचे आयोजन करण्यात आलं होतं. या प्रसंगी, संरक्षण मंत्री राजनाथ सिंह यांनी संयुक्त पदवी परेडचा (सीजीपी) आढावा घेतला. संयुक्त पदवी परेडमधील पदवीधर प्रशिक्षणार्थींना प्रतिष्ठित 'राष्ट्रपती आयोग' प्रदान केला. राजनाथ सिंह यांनी पदवीधर प्रशिक्षणार्थींना नवीन कल्पनांसाठी खुले राहण्याचा सल्ला दिला.
केंद्रीय संरक्षण मंत्री म्हणाले की, तुम्ही माझी बरीचशी चर्चा येथे एकाग्रतेने ऐकू शकणार नाही. परंतु मी तुम्हाला एक गोष्ट सांगू इच्छितो की कोणत्याही परिस्थितीत नवीन विचार, नवीन कल्पना यांच्याबद्दलचा तुमचा मोकळेपणा गमावू नका, असं संरक्षण मंत्री राजनाथ सिंह पदवीधर प्रशिक्षणार्थींना संबोधित करताना म्हणाले. ते पुढं म्हणाले, आज तुम्ही कॅडेटमधून अधिकारी बनत आहात. कॅडेट आणि अधिकारी यात खूप फरक आहे. पूर्वी शिक्षक, प्रशिक्षक यांच्याकडून धडे घेतल्यानंतर तुमचं मूल्यमापन व्हायचं. पण आता अधिकारी म्हणून तुमचं मूल्यमापन आधी केलं जाईल. त्यानंतर तुम्ही त्यातून धडे घ्याल, असंही ते म्हणाले.
परेडचे क्षण लक्षात ठेवण्याचं आवाहन : पदवीधर प्रशिक्षणार्थींना आज झालेल्या पासिंग आऊट परेडचे क्षण लक्षात ठेवण्याचे आवाहन करत राजनाथ सिंह म्हणाले, आज तुम्ही खूप उत्साही, आनंदी, नवीन विचार आणि आदर्शवादानं परिपूर्ण आहात. तुमच्या दैनंदिन कामाच्या 1 मिनिटापूर्वीही तुम्ही ही आनंद आणि उर्जा लक्षात ठेवा. तर हा आदर्शवाद, तुमच्यातील कॅडेटची ऊर्जा आणि नाविन्य तुमच्यात कायम राहील. मला खात्री आहे की, तुम्ही हे लक्षात ठेवाल. त्यांनी पदवीधर प्रशिक्षणार्थीला 'स्वॉर्ड ऑफ ऑनर'ही बहाल केलं. संरक्षण मंत्री राजनाथ सिंह यांनीही भारतीय हवाई दलानं आयोजित केलेल्या हवाई प्रदर्शनाचे साक्षीदार झाले.
हेही वाचा :
- Indo US Partnership : भारत-अमेरिका द्विपक्षीय संबंधांचा संरक्षण सर्वात महत्त्वाचा स्तंभ - संरक्षण मंत्री राजनाथ सिंह
- Rajnath Singh : राजनाथ सिंह यांनी भारत-चीन सीमेवर केलं शस्त्रपूजन, जवानांशीही साधला संवाद
