कोलकाता : पश्चिम बंगाल प्रदेश काँग्रेसच्या 'भारत जोडो यात्रेला' कपिल मुनींच्या आश्रमातून 28 डिसेंबरला सुरूवात होणार आहे. या प्रवासाला राष्ट्रीय काँग्रेसचे नेतृत्व उपस्थित राहणार असल्याचे प्रदेश काँग्रेस नेत्यांनी आधीच जाहीर केले आहे.
Bharat Jodo Yatra: प्रियांका गांधी वाड्रा भारत जोडो यात्रासाठी नवीन वर्षात कोलकाता दौऱ्यावर!
राहुल गांधी यांची भारत जोडो यात्रा ( Bharat Jodo Yatra ) सुरू असतानाच आता पश्चिम बंगालमध्ये प्रदेश कॉंग्रेसच्या भारत जोडो यात्रेला 28 डिसेंबर रोजी सुरूवात होणार आहे. या यात्रेत प्रियंका गांधी वाड्रा ( Priyanka Gandhi Vadra ) नवीन वर्षाच्या सुरूवातीला उपस्थित राहणार असल्याची माहिती कॉंग्रेस नेत्यांनी दिली आहे.
Etv Bharat
प्रियंका गांधी उपस्थित राहणार: "भारत जोडो यात्रेत प्रियांका गांधी वाड्रा ( Priyanka Gandhi Vadra ) बंगालमध्ये पाऊल ठेवणार आहेत. त्यांना आधीच निमंत्रित करण्यात आले आहे. प्रियंका व्यतिरिक्त राहुल गांधींनाही आमंत्रित करण्यात आले आहे," असा दावा प्रदेश काँग्रेस कमिटीच्या एका सर्वोच्च नेत्याने शनिवारी केला. परंतु, राहुल सध्या पश्चिम बंगाल प्रदेश काँग्रेसच्या भारत जोडो यात्रेला उपस्थित राहू शकत नाहीत. राहुल यांच्याशिवाय प्रियंका गांधी, काँग्रेसचे राष्ट्रीय अध्यक्ष मल्लिकारुण खर्गे, दिग्विजय सिंह यांनाही निमंत्रित करण्यात आले आहे. परिणामी त्यांच्यापैकी अनेकजण उपस्थित राहणार असल्याची माहिती देण्यात आली आहे.
800 किलोमीटर यात्रा: आनंद माधव हे राष्ट्रीय काँग्रेस कमिटीच्या वतीने 'भारत जोडो यात्रे'च्या आयोजकांपैकी एक आहेत. ते म्हणाले की, "बंगालची भारत जोडो यात्रा दक्षिण 24 परगना, मेदिनीपूर (पूर्व आणि पश्चिम) प्रवास करेल. उत्तर 24 परगणा, नादिया, मुर्शिदाबाद, मालदा, दिनाजपूर (उत्तर आणि दक्षिण) आणि दार्जिलिंग म्हणजेच समुद्र पासून पर्वतापर्यंतचा 800 किलोमीटरचा प्रवास 55 दिवसांत पूर्ण होईल." खासदार प्राध्यापक प्रदीप भट्टाचार्य यांच्या नेतृत्वाखाली ही यात्रा काढण्यात येत आहे. या प्रवासाचा शुभारंभ खासदार अधीर रंजन चौधरी यांच्या हस्ते होणार आहे.