नवी दिल्ली :पंतप्रधान नरेंद्र मोदी आज सकाळी 11 वाजता व्हिडिओ कॉन्फरन्सिंगद्वारे देशाच्या कानाकोपऱ्यातील 508 रेल्वे स्थानकांच्या पुनर्विकासाच्या कामाची पायाभरणी करण्यात आली आहे. अत्याधुनिक सार्वजनिक वाहतूक व्यवस्था करण्यावर पंतप्रधानांनी अनेकदा भर दिला आहे. देशभरातील लोकांसाठी रेल्वे हे वाहतुकीचे पसंतीचे साधन असल्याचे मोदींनी म्हटले आहे. मोदी रेल्वे स्थानकांवर जागतिक दर्जाच्या सुविधा देण्यावर भर देत आहेत. त्या अनुषंगाने अमृत भारत स्टेशन योजना देशभरातील 1309 स्थानकांच्या पुनर्विकासासाठी राबविण्यात येणार आहे. विकासाच्या ध्येयाकडे वाटचाल करणारा भारत आता सुवर्णकाळाच्या सुरुवातीला आहे. नवी ऊर्जा, नवी प्रेरणा, नवे संकल्प आहेत. या प्रकाशात, आज भारतीय रेल्वेच्या इतिहासात एक नवीन अध्याय सुरू होत आहे, असे यावेळी पंतप्रधान मोदी म्हणाले.
रेल्वे स्थानके 'सिटी सेंटर' म्हणून विकसित करणार : अमृत योजनेचा एक भाग म्हणून, आज 508 स्थानकांच्या पुनर्विकासाची पायाभरणी पंतप्रधानांच्या हस्ते झाले आहे. या स्थानकांचा 24,470 कोटी रुपयांहून अधिक खर्च करून पुनर्विकास केला जाणार आहे. शहराच्या दोन्ही बाजूंना योग्य प्रकारे जोडून ही स्थानके ‘सिटी सेंटर’ म्हणून विकसित करण्यासाठी मास्टर प्लॅन तयार करण्यात येत आहे. हा एकात्मिक दृष्टीकोन रेल्वे स्थानकाच्या आजूबाजूच्या परिसरावर लक्ष केंद्रित करून शहराच्या सर्वांगीण नागरी विकासाच्या दृष्टीकोनातून प्रेरित आहे. यामध्ये स्थानकांचा पुनर्विकास, सुव्यवस्थित रहदारी, आंतर-मॉडल एकत्रीकरण आणि प्रवाशांना मार्गदर्शन करण्यासाठी सु-डिझाइन केलेले चिन्ह, तसेच प्रवाशांसाठी आधुनिक सुविधा सुनिश्चित करेल. स्थानक इमारतींचे डिझाइन हे स्थानिक संस्कृती, वारसा आणि वास्तुकला यांच्याशी संलग्न असणार आहे.