नोएडा - विदेशात नोकरी मिळवून देण्याकरिता फसविणाऱ्या टोळीचा पोलिसांनी नोएडामध्ये पर्दाफाश ( Noida Police busted a gang ) केला आहे. नोएडा पोलीस स्टेशन सेक्टर 113 आणि आयटी सेलच्या माध्यमातून या टोळीतील 10 जणांना छापा टाकून ( fake job ad gang noida ) अटक करण्यात आली आहे. मिळालेल्या माहितीनुसार, पोलिसांनी प्रथम आरोपी पवनला सेक्टर 70 पोलीस स्टेशन फेज-3 मधून अटक केली. त्यांच्या सांगण्यावरून मयूर विहार फेज-1 येथून 9 जणांना ताब्यात घेण्यात आले. त्यांच्या ताब्यातून सुमारे साडेसात लाखांची रोकड जप्त करण्यात आली.
अटकेतील आरोपी दिल्लीतील मयूर विहार फेज वनमध्ये बनावट कॉल सेंटर्स उघडून लोकांचा डेटा घेऊन फसवणूक करत होते. नोएडातील सेक्टर 75 मध्ये राहणारे नरेंद्र शिंदे यांनी याप्रकरणी पोलीस ठाण्यात तक्रार केली होती. यानंतर पोलिसांनी कारवाई करत छापा टाकून टोळीशी संबंधित 10 जणांना अटक केली. पवन कुमार, जितेश कुमार रामकिशन, दीपेंद्र कुमार, प्रदीप कुमार सिंह, अरविंद कुमार यादव, तेजपाल सिंह, रोहित कुमार, सुभाष चंद्र आणि रामकृष्ण सिंह अशी अटक करण्यात आलेल्या आरोपींची नावे आहेत.
फसवणूक करण्याकरिता कॉल सेंटर-पोलिसांनी आरोपींकडून वाहन, 674000 रोख, 17 मोबाईल आणि सात लॅपटॉप जप्त केले आहेत. विदेशात नोकरी मिळवून देण्याच्या नावाखाली लोकांची फसवणूक केल्याचा आरोप त्यांच्यावर आहे. फसवणूक करण्यासाठी आरोपींनी कॉल सेंटरही उघडले होते. याद्वारे लोकांची फसवणूक करण्यात आली होती. तक्रारदार नरेंद्र शिंदे यांनी आरोपीविरुद्ध फसवणुकीचा गुन्हा दाखल केला होता. सिंगापूर येथील एका बांधकाम कंपनीत नोकरी लावण्याच्या नावाखाली त्याच्यांकडून आरोपींनी दोन लाख रुपये घेतले.
विदेशी कंपन्यांचे बनावट ऑफर लेटर -नोएडाचे अतिरिक्त डीसीपी रणविजय सिंह ( Additional DCP of Noida Ranvijay Singh ) यांनी सांगितले की, या रॅकेटशी संबंधित आरोपी पूर्वी नोकरी देणार्‍या वेबसाइटवरून बेरोजगार तरुणांचा डेटा विकत घेत असत. यानंतर त्याला कॉल सेंटरवरून बोलावण्यात ( call center for fake job ) आले. मग ते विदेशात मोठ्या पॅकेजच्या बहाण्याने विदेशी कंपन्यांचे बनावट ऑफर लेटर देत असत. यादरम्यान तरुणांकडून नोंदणीच्या नावाखाली किरकोळ रक्कम वसूल करण्यात आली. बेरोजगार तरुण पूर्णपणे जाळ्यात आल्याची आरोपींना खात्री झाल्यावर मोठ्या रकमेची मागणी करत असत.