Dinner Diplomacy : दिल्लीत शरद पवारांच्या घरी महाराष्ट्रातील आमदारांना स्नेहभोजन, नितीन गडकरींसह भाजपच्या आमदारांनाही निमंत्रण

शरद पवार यांच्या दिल्ली येथील निवासस्थानी आयोजित स्नेहभोजनासाठी नितीन गडकरी, संजय राऊत उपस्थित होते. राऊत यांच्या मुंबईस्थित घरावर आज ईडीने जप्तीची कारवाई केली आहे.

नवी दिल्ली- राष्ट्रवादी काँग्रेसचे सर्वेसर्वा शरद पवार यांच्या दिल्लीतील निवासस्थानी ( NCP leader Sharad Pawar's residence ) महाराष्ट्रातील आमदारांसाठी ( Maharashtra MLA ) स्नेहभोजन आयोजित करण्यात आले. या कार्यक्रमाला महाविकास आघाडीच्या आमदारांसोबत केंद्रीय मंत्री नितीन गडकरी ( Union Minister Nitin Gadkari ) आणि भारतीय जनता पक्षाच्या आमदारांनाही निमंत्रण देण्यात आले. यावेळी शिवसेनेचे प्रवक्ते आणि राज्यसभा सदस्य संजय राऊत ( Shiv Sena leader Sanjay Raut ), सुप्रिया सुळे देखील उपस्थित होत्या.