कोटा : देशातील सर्वात मोठी वैद्यकीय प्रवेश परीक्षा कम पात्रता चाचणी (NEET UG 2023) चे प्रवेशपत्र आज सकाळी जारी करण्यात आले. याबाबतची अधिसूचनाही नॅशनल टेस्टिंग एजन्सी (NTA) ने आज वेबसाईटवर जारी केली होती. मात्र त्रुटीनंतर डाउनलोडिंग लिंक काढून टाकण्यात आली आहे. प्रवेशपत्रात काही तफावत असल्याचे सांगण्यात येत आहे. त्यामुळे या वेबसाइटवरून डाउनलोडिंग लिंक काढून टाकण्यात आल्या आहेत. यानंतर विद्यार्थी नॅशनल टेस्टिंग एजन्सीचे महासंचालक डॉ. विनीत जोशी यांना टॅग करून प्रश्न उपस्थित करत आहेत.
7 मे रोजी होणार परीक्षा :प्रवेशपत्र मिळाली नसल्याने विद्यार्थ्यांनी काळजी करण्याची गरज नाही. त्यामुळे विद्यार्थ्यांनी आपल्या अभ्यासावर लक्ष्य केंद्रीत करण्याचे कोटाच्या खासगी कोचिंग संस्थेचे करिअर समुपदेशन तज्ञ पारिजात मिश्रा यांनी सांगितले. सात मे रोजी दुपारी 2 ते 5:20 या वेळेत परीक्षा होणार आहे. त्यासाठी विद्यार्थ्यांना दुपारी दीड वाजेपर्यंतच प्रवेश मिळेल. गडबड झाल्यामुळे लिंक काढली असावे, असेही त्यांनी सांगितले. काही तासांनी ती लिंक पुन्हा प्रसिद्ध होईल. NEET UG https://neet.nta.nic.in/ या अधिकृत वेबसाइटवरून विद्यार्थी त्यांचा अर्ज क्रमांक, जन्मतारीख आणि सुरक्षा पीन डाउनलोड करू शकतील.