नवी दिल्ली -काँग्रेस अध्यक्ष सोनिया गांधी (Sonia Gandhi) यांनी बुधवारी (ता. २२) अंमलबजावणी संचालनालयाला (ईडी) पत्र (letter) लिहून एजन्सीसमोर हजर राहण्यासाठी आणखी काही आठवड्यांचा अवधी मागितला आहे. कोरोना व फुफ्फुसाच्या संसर्गातून आपण आत्ताच रुग्णालयातून बाहेर आलो आहोत. ( Sonia Gandhi wrote a letter to ED ) दरम्यान, आपल्याला आणखी काही दिवस आराम करण्याची गरज आहे. त्या पार्श्वभूमीवर आपल्याला काही दिवस चौकशीसाठी हजर राहता येणार नाही. तरी आपण मला काही दिवसांची वेळ द्यावी अशी विनंती त्यांनी केली आहे. नॅशनल हेराल्ड प्रकरणी ईडीकडून सोनिया गांधी यांना 23 जून रोजी चौकशीसाठी बोलावले होते.
कोरोना आणि फुफ्फुसाच्या संसर्गामुळे रुग्णालयात दाखल झाल्यानंतर सोनिया गांधी यांना घरी विश्रांती घेण्याचा सल्ला देण्यात आला आहे. त्यामुळे सोनिया गांधी (Sonia Gandhi) यांनी बुधवारी ईडीला (ED) पत्र लिहून पूर्णपणे बरी होईपर्यंत हजेरी काही आठवडे पुढे ढकलण्याची मागणी केल्याचे ट्विट काँग्रेसचे सरचिटणीस जयराम रमेश यांनी केले आहे.