हैदराबाद :दरवर्षी कार्तिक महिन्यातील कृष्ण पक्षातील चतुर्दशी तिथीला नरक चतुर्दशीचा सण साजरा केला जातो. या दिवशी मृत्यूची देवता यमराजाची पूजा करण्याची परंपरा आहे. नरक चतुर्दशीला रूप चौदस, छोटी दिवाळी, नरक निवारण चतुर्दशी आणि काली चौदस या नावांनी देखील ओळखलं जातं. या दिवशी सकाळी स्नान करून संध्याकाळी यमाच्या नावानं दिवा लावल्यानं अकाली मृत्यूची भीती नाहीशी होते, असं मानलं जातं. याने उत्तम आरोग्य, सुख आणि समृद्धीचे आशीर्वाद मिळतात. हिंदू कॅलेंडरनुसार या वर्षी चतुर्दशी तिथी 11 आणि 12 नोव्हेंबरला येत आहे. अशा परिस्थितीत त्याच्या तारखेबाबत सर्वच जण संभ्रमात आहेत. अशा परिस्थितीत नरक चतुर्दशीची नेमकी तिथी, शुभ मुहूर्तापासून त्याचे महत्त्व.
नरक चतुर्दशी 2023 तारीख :हिंदू कॅलेंडरनुसार कार्तिक महिन्याच्या शुक्ल पक्षातील चतुर्दशी तिथी 11 नोव्हेंबर 2023 रोजी दुपारी 01:57 वाजता सुरू होत आहे आणि दुसऱ्या दिवशी म्हणजेच 12 नोव्हेंबर 2023 रोजी दुपारी 02:44 वाजता समाप्त होईल. उदय तिथीनुसार 12 नोव्हेंबर रोजी नरक चतुर्दशी साजरी केली जाईल. यासोबतच जे लोक भगवान यमासह हनुमानाची पूजा करतात ते 11 नोव्हेंबर रोजी नरक चतुर्दशी साजरी करतील.