इम्फाळ :मणिपूरमध्ये गेल्या अनेक महिन्यांपासून जाळपोळ आणि अत्याचाराच्या घटनांचे सत्र सुरू असल्याने मोठी दहशत पसरली आहे. मणिपूर येथील दोन महिलांना विवस्त्र करुन त्यांच्यावर समाजकंटक अत्याचार करत असल्याचा व्हिडिओ सध्या व्हायरल होत आहे. या प्रकरणी थौबल जिल्ह्यातील नॉनगपोक सेकमाई पोलीस ठाण्यात सामूहिक बलात्कार आणि खुनाचा गुन्हा दाखल करण्यात आला. पोलीस अधीक्षक के मेघचंद्र यांनी या समाजकंटकांना तात्काळ अटक करण्यात येणार असल्याची माहिती दिली आहे. या प्रकरणी पोलीस सर्वतोपरी प्रयत्न करत असल्याचेही के मेघचंद्र यांनी जारी केलेल्या निवेदनात स्पष्ट केले आहे.
दोन महिलांवर रस्त्यावर लैंगिक अत्याचार :मणिपूरमध्ये 4 मे रोजी दोन महिलांना विवस्त्र करत समाजकंटक अत्याचार करत असल्याचा व्हिडिओ समाज माध्यमांवर व्हायरल झाला आहे. या व्हिडिओत दोन महिलांना विवस्त्र करुन त्यांच्यावर समाज कंटक अत्याचार करत असल्याचे दिसत आहे. हा व्हिडिओ समाज माध्यमांवर व्हायरल झाल्यानंतर मोठी खळबळ उडाली आहे. देशभरातून या घटनेचा निषेध करण्यात येत आहे. दोन महिलांवर समाजकंटकांनी अत्याचार केल्यानंतर केंद्रीय सुरक्षा दलाच्या जवानांसह राज्य पोलीस दलातील जवानांनीही शोधमोहीम सुरू आहे. या शोध मोहिमेदरम्यान सुरक्षा दलाच्या जवानांना शस्त्रात्रे आणि दोन मासिके आडळून आली आहे. इम्फाळ पूर्व जिल्हा पोलिसांनी हे साहित्य जप्त केले आहे.