चामोली - बर्‍याच दिवसांपासून रस्त्याच्या प्रतीक्षेत असलेल्या द्विंग-तपोण परिसरातील ग्रामस्थांची मागणी पूर्ण होणार आहे. येथे पूल नसल्यामुळे रस्त्याचे काम अडकले होते. सर्वात मोठे आव्हान जेसीबी मशीन नदीच्या दुसर्‍या काठावर नेणे होते. परंतु कंत्राटदाराने जेसीबी मशीनला तारांद्वारे अलकनंदा नदी ओलांडून नेले. हे पाहून ग्रामस्थ आश्चर्यचकित झाले. जेसीबी पोहोचल्यानंतर आता ग्रामस्थांना रस्त्याची सुविधा मिळण्याची आशा निर्माण झाली आहे.
हेही वाचा -तामिळनाडू : 'द्रमुक'च्या विजयानंतर महिलेने कापली जीभ; देवीला केला होता नवस
सहा किलोमीटर रस्त्यास २०१०मध्ये मंजुरी
लांजी, पोखणी, ह्युना, द्विंग व तपोण गावातील जवळपास 25 हजार लोकसंख्या असलेल्या ग्रामस्थांना रस्त्याने जोडण्यासाठी द्विंग-तपोण या सहा किलोमीटर रस्त्यास २०१०मध्ये मंजुरी देण्यात आली होती. सन २०१८मध्ये यासाठी वनजमीन हस्तांतरणाची प्रक्रियाही पूर्ण झाली. पण येथीला सर्वात मोठा अडथळा म्हणजे अलकनंदा नदी. तर, अलकनंदाच्या दुसर्‍या टोकाला जाऊन रस्ता तयार करायचा होता.