मुंबई :जन्मकुंडलीतील 7 एप्रिल 2023 रोजीच्या भाग्यशाली राशीची चिन्हे जाणून घ्या कशी असतील. कसा असेल तुमचा दिवस, कशी राहील नोकरीतील स्थिती, प्रेम, विवाह, व्यवसाय अशा आघाड्यांवर कशी असेल ग्रहस्थिती, तुमच्या जोडीदारासोबतचा दिवस कसा जाईल, या सर्व प्रश्नांची उत्तरे जाणून घेण्यासाठी 'ईटीव्ही' भारतवर वाचा, राशी भविष्य.
मेष : आज सामाजिक, सार्वजनिक क्षेत्रांत तुम्ही प्रशंसेस पात्र ठरणार असून तुम्हाला आज धनलाभ होण्याची शक्यता आहे. कौटुंबिक जीवनात सुख अनुभवून तुम्ही आज बौद्धिक चर्चेत सहभागी होऊ शकता, मात्र तुम्हाला आज वाणीवर संयम राखणे आवश्यक आहे. वैचारिक गोष्टीत उत्साह वाटला, तरी एखाद्या व्यवहारातून तुम्हाला अधिक लाभ होण्याची आज शक्यता आहे.
वृषभ : आजचा दिवस तुम्हाला खूप आनंदात जाऊन मानसिक स्वास्थ्य लाभून तुमचे काम निर्धारित वेळेत पूर्ण होईल. आर्थिक लाभ होण्यासह अपूर्ण कामे पूर्ण झाल्याने तुम्हाला अपार आनंद होईल. स्त्रीयांना माहेरहून आनंददायी बातम्या मिळून काही लाभ सुद्धा होणार आहे, त्यासह आजारी व्यक्तींच्या प्रकृतीत सुधारणा होईल.
मिथुन : आज वैवाहिक जोडीदारासह संततीच्या आरोग्याची विशेष काळजी घ्यावी लागून वादविवाद होण्याची शक्यता आहे. त्यामुळे बौद्धिक चर्चेपासून आज तुम्ही दूर राहण्याची गरज आहे, अन्यथा मानहानी होण्याची शक्यता आहे. मित्रांसाठी खर्च करावा लागण्याची शक्यता असून पोटाच्या तक्रारी तुम्हाला आज त्रास देतील. नव्या कार्याचा आरंभ करण्यात अडचण येण्याची शक्यता असून प्रवासात त्रास होणार असल्याने प्रवास शक्यतो टाळा.
कर्क : आज ग्लानीमुळे तुमचे मन दुःखी राहून प्रफुल्लता, स्फूर्ती आनंद यांचा अभाव दिसून येईल. कुटुंबीयांशी मतभेद होऊन पैसा खर्च होऊनही कामात अपयश येईल. भोजन वेळेवर मिळणार नसून तुम्हाला आज निद्रानाश त्रास देऊ शकतो, त्यामुळे काळजी घ्या.
सिंह : आजचा दिवस तुम्हाला सुखा समाधानात जाऊन भावंडाबरोबरच्या संबंधात जवळीक निर्माण होईल. त्यांचे सहकार्य पण आपणास मिळाल्याने संबंधामधील भावनांची जाणीव तुम्हाला होईल. एखाद्या रम्यस्थळी सहलीला जाण्याचा बेत ठरवल्याने तुमच्या मानसिक चिंता दूर होतील.