गाझियाबाद - साहिबाबाद औद्योगिक क्षेत्रातील कारखान्यात भीषण आग लागली. यामध्ये कारखान्यात उपस्थित 14 कामगार जखमी झाले. जखमींमध्ये दोन महिला आणि एक बालकही असल्याची माहिती आहे. अग्निशामक दलाचे 10 बंब घटनास्थळी पोहोचले आणि आगीवर नियंत्रण मिळवले. कारखान्यात वैद्यकीय उत्पादने बनविली जातात. आगीच्या वेळी मोठा आवाज ऐकू आला. मात्र, आगीचे कारण स्पष्ट झालेले नाही.
4 लोकांची प्रकृती गंभीर-
अपघातात जखमी झालेल्या 4 जणांची प्रकृती चिंताजनक असल्याचे सांगितले जात आहे. त्यांना सफदरजंग येथे हलवीण्यात आले आहे. स्फोटामुळे कारखान्याच्या इमारतीची भिंतही कोसळली. प्रसंगी एसएसपी आणि आरोग्य विभागाच्या अधिकाऱ्यांव्यतिरिक्त अग्निशमन दलाच्या गाड्या आग विझविण्याचा प्रयत्न करीत आहेत. एसएसपी कलानिथी नैथानी म्हणाले की, इमारतीत कुणीही अडकले नाही, याची तातडीने तपासणी सुरू आहे. परंतु मोडतोड हटविण्याचे काम पूर्ण झाल्यानंतर हे पूर्णपणे स्पष्ट होईल.