नवी दिल्ली : श्रद्धा वालकर हत्याकांडातील आरोपी आफताब पूनावाला याच्यावर साकेत न्यायालयाने हत्या आणि पुराव्याशी छेडछाड केल्याचा आरोप निश्चित केला आहे. तसेच, खटल्यातील सरकारी वकिलांनी पुरावे नोंदवण्याच्या सुनावणीसाठी 1 जून ही तारीख निश्चित करण्याचे आदेश न्यायालयाने दिले आहेत. दरम्यान, श्रद्धा वालकर हत्याकांडातील आरोपी आफताब अमीन पूनावाला याच्याविरुद्ध मंगळवारी साकेत न्यायालयाने खून आणि पुरावे नष्ट करण्याचे आरोप निश्चित केले. त्याचवेळी आफताबने हे आरोप फेटाळून लावत खटला लढणार असल्याचे सांगितले. आफताबला पोलिसांनी ज्या साक्षीदारांच्या आणि पुराव्यांच्या आधारे आरोपी बनवले होते, त्याआधारे आता पोलिसांना ते न्यायालयात हजर करून सिद्ध करावे लागणार आहे. न्यायालयाचे ज्येष्ठ वकील मनीष भदौरिया यांनी याबाबत या प्रकरणात आरोप सिद्ध झाल्यास आफताबला शिक्षा, कलम ३०२ मध्ये फाशी आणि जन्मठेप अशा दोन्ही शिक्षांची तरतूद असल्याचे त्यांनी सांगितले. तर, कलम 201 मध्ये पुरावे खोडून काढण्यासाठी जास्तीत जास्त दोन वर्षांच्या शिक्षेची तरतूद आहे असे ते म्हणाले आहेत.
आफताबने 18 मे 2022 रोजी श्रद्धाची हत्या केली होती : न्यायाधीश म्हणाले की, शिक्षेपासून वाचण्यासाठी पूनावालाने श्रद्धाच्या शरीराची विटंबना केली आणि विविध ठिकाणी फेकून दिले. कलम 201 (पुरावा नष्ट करणे) अंतर्गत गुन्हा केला आहे. ते म्हणाले की, प्रथमदर्शनी कलम ३०२ (हत्येचा) गुन्हा दाखल करण्यात आला आहे. आफताबने 18 मे 2022 रोजी दिल्लीतील मेहरौली येथील फ्लॅटमध्ये श्रद्धाची गळा आवळून हत्या केली होती. यासोबतच मृतदेहाचे 35 तुकडे करून जंगलात फेकून दिल्याचे पुढे उघड झाले.
श्रद्धा वालकर खून प्रकरणात काय घडले
- 1. 9 नोव्हेंबर 2022 रोजी मुंबई पोलिसांनी दिल्ली पोलिसांना श्रद्धाच्या बेपत्ता झाल्याची माहिती दिली.
- 2. मेहरौली पोलिसांनी 12 नोव्हेंबर रोजी आफताबला अटक केली.
- 3. चौकशीदरम्यान आफताबने सांगितले की त्याने 18 मे 2022 रोजी श्रद्धाची गळा दाबून हत्या केली.
- 4. कोर्टाने आफताबला 17 नोव्हेंबरपर्यंत पोलीस कोठडीत पाठवले.
- 5. 17 नोव्हेंबर रोजी न्यायालयाने पुन्हा पाच दिवसांची कोठडी वाढवली.
- 6. 16 नोव्हेंबरला कोर्टाने आफताबच्या नार्को टेस्टला मंजुरी दिली.
- ७.१८ नोव्हेंबर रोजी दिल्ली पोलिसांचे पथक आफताबसोबत गुरुग्रामच्या जंगलात गेले.
- 8. 28 नोव्हेंबरला आफताबला नार्को टेस्टसाठी घेऊन जात असताना काही लोकांनी त्याच्यावर हल्ला करण्याचा प्रयत्न केला.
- 9. 29 नोव्हेंबर रोजी आफताबची पॉलीग्राफ चाचणी झाली.
- 10. 24 जानेवारी रोजी पोलिसांनी साकेत न्यायालयात या प्रकरणातील आरोपी आफताब अमीन पूनावाला याच्याविरुद्ध 6,629 पानांचे आरोपपत्र दाखल केले.
- 11.21 मार्च रोजी पोलिसांनी श्रद्धा आणि आफताब यांच्या ऑनलाइन समुपदेशन सत्राचे 34 मिनिटांचे ऑडिओ रेकॉर्डिंग न्यायालयात सादर केले.
- 12. 4 एप्रिल रोजी वकिलांच्या संपामुळे कोर्टाने आफताबवर आरोप निश्चित करण्याबाबतची सुनावणी 6 एप्रिलपर्यंत पुढे ढकलली.
- 13. 6 एप्रिल रोजी या खटल्यातील युक्तिवाद पूर्ण झाला नसताना, न्यायालयाने पुढील सुनावणीसाठी 15 एप्रिलची तारीख निश्चित केली.
- १४.१५ एप्रिल रोजी युक्तिवाद पूर्ण झाल्यानंतर न्यायालयाने आफताबविरुद्ध आरोप निश्चित करण्याबाबतचा निर्णय राखून ठेवत २९ एप्रिल ही तारीख निश्चित केली.
- 15. 19 एप्रिल रोजी दिल्ली उच्च न्यायालयाने श्रद्धा हत्याकांडात दाखल केलेल्या आरोपपत्रातील मजकूर प्रसारित करण्यास मीडिया संस्थांना मनाई केली.
- 16. न्यायाधीश 29 एप्रिल रोजी रजेवर असल्याने आरोप निश्चित करण्यासाठी 9 मे रोजी निकाल देण्याची तारीख निश्चित करण्यात आली होती.
हेही वाचा :सलमान खानला जीवे मारण्याची धमकी: मुंबई पोलिसांनी आरोपींविरोधात लुकआउट नोटीस केली जारी
