Chaitra Navratri 2023 : कधी सुरु होणार चैत्र नवरात्र? काय आहे शुभ मुहूर्त आणि श्री रामनवमी तिथी

यंदा 22 मार्च 2023 बुधवार रोजी चैत्र नवरात्रीला सुरुवात होत आहे. तर 30 मार्च गुरुवार रोजी चैत्र नवरात्री समाप्त होवुन, श्रीराम नवमीला सुरुवात होत आहे. जाणून घेऊया चैत्र नवरात्री घटस्थापनेचा शुभ मुहूर्त काय आहे आणि श्री रामनवमी तिथी काय आहे ते.

चैत्र नवरात्र हा हिंदूंचा प्रसिद्ध सण आहे. चैत्र नवरात्री, ज्याला 'वसंत नवरात्री' असेही म्हणतात, हा एक हिंदू सण आहे. जो दरवर्षी चैत्र महिन्यात (मार्च-एप्रिल) साजरा केला जातो. हा नऊ दिवसांचा उत्सव आहे, जो देवी दुर्गा किंवा शक्तीच्या नऊ रूपांचा सन्मान करतो. हे हिंदू नववर्षाची सुरुवात दर्शवते. या उत्सवादरम्यान, भाविक उपवास करतात, प्रार्थना करतात आणि पारंपारिक विधी करतात. उत्सवाचे नऊ दिवस देवीच्या नऊ वेगवेगळ्या रूपांना समर्पित आहेत आणि प्रत्येक दिवस वेगळ्या रूपाची पूजा करण्यासाठी समर्पित आहे. नवव्या दिवशी देवीच्या पूर्ण रूपाची पूजा केली जाते. चैत्र नवरात्री संपूर्ण भारतात मोठ्या उत्साहाने साजरी केली जाते आणि हिंदूंसाठी हा आनंदाचा प्रसंग आहे.

ग्रह,नक्षत्रांचा दुर्मिळ योग : यावेळी चैत्र नवरात्रीला ग्रह आणि नक्षत्रांचा दुर्मिळ संयोग होत आहे. चैत्र नवरात्रीमध्ये शनि आणि मंगळ मकर राशीत राहतील. मकर राशीत शनि-मंगळ युती, शनीची राशी, तुमची शक्ती वाढवेल. या शिवाय या 9 दिवसांमध्ये रवि पुष्य नक्षत्र, सर्वार्थ सिद्धी योग, रवि योग देखील तयार होतील, ज्यामुळे नवरात्रीची शुभता आणखी वाढेल. या काळात केलेल्या शुभ कार्यामुळे पूजा-विधीमध्ये यश मिळेल आणि सर्व मनोकामना पूर्ण होतील. आणि कुंभ राशीमध्ये गुरु आणि शुक्र यांची उपस्थिती, मीन राशीत सूर्य-बुध संयोगाने बुधादित्य योग निर्माण होईल. त्यामुळे चंद्र मेष राशीत, राहू वृषभ राशीत, केतू वृश्चिक राशीत असेल.

९ दिवस मातेच्या रूपांची पूजा : चैत्र नवरात्रीचा पहिला दिवस (२२ मार्च २०२३) - प्रतिपदा तिथी, आई शैलपुत्रीची पूजा आणि घटस्थापना. चैत्र नवरात्रीचा दुसरा दिवस (२३ मार्च २०२३) - द्वितीया तिथी, माँ ब्रह्मचारिणी पूजा चैत्र नवरात्री तिसरा दिवस (२४ मार्च २०२३) - तृतीया तिथी, माँ चंद्रघंटा पूजा चैत्र नवरात्रीचा चौथा दिवस (२५ मार्च २०२३) - चतुर्थी पूजा तिथी, माँ चतुर्थी नवरात्री पाचवा दिवस (२६ मार्च २०२३) - पंचमी तिथी, माँ स्कंदमाता पूजा चैत्र नवरात्रीचा सहावा दिवस (२७ मार्च २०२३) - षष्ठी तिथी, मां कात्यायनी पूजा चैत्र नवरात्रीचा सातवा दिवस (२८ मार्च २०२३) - सप्तमी तिथी, माँ स्कंदमाता पूजा चैत्र नवरात्री चा कालरात्री दिवस (२९ मार्च २०२३) - अष्टमी तिथी, माँ महागौरी पूजा, महाष्टमी चैत्र नवरात्रीचा नववा दिवस (३० मार्च २०२३) - नवमी तिथी, माँ सिद्धिदात्री पूजा, दुर्गा महानवमी.

राम नवरात्र :रामनवमी, भगवान रामाचा जन्मदिवस सामान्यतः नवरात्रोत्सवाच्या नवव्या दिवशी येतो. म्हणून चैत्र नवरात्रीला 'राम नवरात्र' असेही म्हणतात. शारदीय नवरात्रीच्या काळात पाळल्या जाणार्‍या बहुतेक प्रथा आणि विधी चैत्र नवरात्रीत पाळल्या जातात. घटस्थापना पूजा विधान शारदीय नवरात्री आणि चैत्र नवरात्रीसाठी समान आहे. चैत्र नवरात्र उत्तर भारतात अधिक लोकप्रिय आहे. महाराष्ट्रात चैत्र नवरात्रीची सुरुवात गुढीपाडव्यापासून होते.

हेही वाचा : Somvati Amavasya 2023 : सोमवती अमावस्यचे काय आहे महत्व? जाणून घ्या...