गुरुग्राम: गुरुग्राममध्ये पुन्हा एकदा बाऊन्सर्सची गुंडगिरी पाहायला मिळाली आहे. क्लबमध्ये प्रवेश करत असताना बाऊन्सरने महिलेचा विनयभंग केला (woman molesting in gurugram). ज्याचा महिलेने निषेध केला. याचदरम्यान महिलेसोबत आलेल्या तिच्या सात मित्रांचा बाऊन्सरशी वाद झाला. त्यानंतर महिलेच्या मित्रांना बाऊन्सरनी बेदम मारहाण केली. या संपूर्ण घटनेचा व्हिडिओही समोर आला आहे.
गुरुग्राममध्ये बाऊन्सर्सची गुंडगिरी व्हिडिओमध्ये 10-12 बाउन्सर तरुणांना मारहाण करताना दिसत आहेत (bouncers beaten youth in gurugram). मागून महिलांच्या ओरडण्याचा आवाज येत आहे. बाऊन्सर्सनी महिलेच्या मित्रांचे घड्याळ आणि खिशातून 12 हजार रुपये काढून घेतल्याचा आरोप आहे. याची माहिती मिळताच पोलिसांनी घटनास्थळ गाठून संपूर्ण प्रकरणाची चौकशी केली. महिलेच्या तक्रारीवरून पोलिसांनी उद्योग विहार पोलिस ठाण्यात गुन्हा दाखल केला आहे.
याप्रकरणी तीन दिवस उलटूनही अद्याप कोणालाही अटक करण्यात आलेली नाही. पोलिसात दिलेल्या तक्रारीत तरुणाने सांगितले की, तो एका खासगी कंपनीत मॅनेजर म्हणून काम करतो. रविवारी रात्री तो चार मित्रांसह उद्योग विहार येथील कासा-डान्सा येथे गेला होता. यावेळी त्यांच्यासोबत एक महिला मैत्रिणही होती. त्याला क्लबबाहेर काही मित्रही मिळाले. त्यानंतर तो क्लबमध्ये गेला होता.
तिथे उपस्थित असलेल्या एका बाऊन्सरने त्याच्या महिला मैत्रिणीला स्पर्श केल्याचा आरोप आहे. विरोध केल्यावर बाऊन्सरने शिवीगाळ करण्यास सुरुवात केली. त्यानंतर क्लबमध्ये असलेले इतर बाउन्सरही आले आणि त्यांनी त्यांच्या दोन व्यवस्थापकांना बोलावले. यानंतर सर्व बाऊन्सर्सनी मिळून महिलेच्या मित्रांना बेदम मारहाण केली. पोलिसांनी गुन्हा दाखल केला, मात्र कारवाईच्या नावाखाली पोलिस अजूनही रिकामे आहेत.
हेही वाचा - डीजीसीएचा तृतियपंथीय पायलटना हिरवा कंदिल मार्गदर्शक तत्त्वांनुसार विमान उडवण्याची परवानगी
