Bihar Fake Liquor Case : बनावट दारू प्रकरणातील मास्टर माईंडला दिल्लीतून अटक

बिहारमधील प्रसिद्ध छपरा दारू प्रकरणातील (Chapra Liquor Case) मास्टर माईंडला अटक करण्यात आली आहे. होमिओपॅथिक औषधापासून दारू बनवणाऱ्या राम बाबूला दिल्ली पोलिसांच्या गुन्हे शाखेने अटक केली आहे. (Mastermind of Chapra liquor case arrested). बिहार पोलिसांनाही याबाबत माहिती देण्यात आली आहे.

पाटणा : छपरा दारू प्रकरणात (Chapra Liquor Case) 70 हून अधिक जणांचा मृत्यू झाल्यानंतर स्थानिक पोलीस-प्रशासनावरच प्रश्नचिन्ह उपस्थित झाले नाही, तर नितीश सरकारवरही जोरदार टीका झाली. या घटनेनंतर पोलिसांनी वेगाने छापे टाकून अनेकांना अटक केली. आता या प्रकरणात होमिओपॅथिक औषधापासून दारू बनवणाऱ्या मास्टरमाईंडला दिल्लीतून अटक करण्यात आली आहे. (Mastermind of Chapra liquor case arrested). राम बाबू असे या सूत्रधाराचे नाव असून त्याचे वय 35 वर्षे असल्याचे सांगण्यात येत आहे. प्राथमिक अहवालानुसार, आरोपींनी त्यात रसायन मिसळून दारू तयार केली होती, त्यामुळे अनेकांना जीव गमवावा लागला होता. (Bihar Fake Liquor Case).

बनावट दारूच्या मुख्य पुरवठादारास अटक : छापरा येथे बनावट दारू प्यायल्याने अनेकांचा मृत्यू झाला. त्या भेसळयुक्त दारूचा मुख्य पुरवठा करणाऱ्याला अटक करण्यात आली आहे. मुख्य पुरवठादार संजीव कुमार याला वाराणसी येथून अटक केल्यानंतर या घटनेत आतापर्यंत 16 आरोपींना अटक करण्यात आली आहे. या प्रकरणाच्या तपासात समोर आलेल्या तथ्यांच्या आधारे या घटनेत सहभागी असलेल्या गुन्हेगारांची ओळख पटवून त्यांना अटक करण्यासाठी पोलिस सातत्याने छापे टाकत आहेत.

बनावट दारूच्या घटनेत 73 जणांचा मृत्यू :छपरा बनावट दारूच्या घटनेतील राजकारण थांबण्याचे नाव घेत नाही आहे. नुकसान भरपाईच्या मागणीसाठी विरोधक सातत्याने आंदोलन करत आहेत. छपराच्या मशरखमध्ये विषारी दारू पिल्याने 73 लोकांचा मृत्यू झाला आहे. मात्र अधिकृत आकडा हा 38 एवढाच आहे. हे प्रकरण समोर आल्यानंतर संपूर्ण बिहारमध्ये खळबळ उडाली आहे.

अनेक लोक अजूनही आजारी :छपरामध्ये बनावट दारूमुळे मृतांची संख्या 73 झाली आहे. हे मृत्यू सारणच्या मशरक, मधौरा, इसुआपूर आणि अमनौर ब्लॉकमध्येच झाले आहेत. याप्रकरणी कारवाई करत पोलिसांनी दीडशेहून अधिक तस्करांना अटक केली आहे. अजूनही मृतांचा आकडा वाढण्याची भीती आहे, कारण अनेकांची प्रकृती चिंताजनक आहे. रुग्णांवर छपरा सदर रुग्णालय, पीएमसीएच आणि एनएमसीएचमध्ये उपचार सुरू आहेत. मानवाधिकार पथकही या प्रकरणाचा सातत्याने तपास करत आहे.