'अमेरिकेनं ज्या पद्धतीनं दहशतवादाचा सामना केला, तसंच आपल्यालाही करावं लागेल'

दहशतवाद पोसणाऱ्या देशांना राजनैतिकदृष्या एकटे पाडणं आणि 'फायनान्शिअल टास्क फोर्स'द्वारे काळ्या यादीत समावेश करणे हे दहशतवादाशी लढण्यासाठीचे योग्य पाऊल आहे. ऑनलाईन माध्यमांमधून पसरवला जाणारा कट्टरतावाद संपवायला हवा. कट्टरतावादी विचारसरणी आपल्याला संपवावी लागेल, असे रावत म्हणाले.

नवी दिल्ली- 'जे देश दहशतवादाला थारा देतात त्यांना जागतिक स्तरावर एकटे पाडण्याचं आवाहन सरसेनाध्यक्ष बिपीन रावत यांनी दिल्लीत एका कार्यक्रमात बोलताना केले. जोपर्यंत काही देश दहशतवादाचा पुरस्कार करत राहतील, तोपर्यंत आपल्याला दहशतवादाच्या धोक्यासोबतच राहवे लागणार आहे, जर आपल्याला दहशतवाद संपवायचा असेल, तर ज्या पद्धतीने अमेरिकेने ९/११ नंतर दहशतवाद विरोधात लढा दिला, त्या पद्धतीने आपल्यालाही लढा द्यावा लागेल, असे रावत म्हणाले.

दहशतवाद पोसणाऱ्या देशांना राजनैतिकदृष्या एकटे पाडणे आणि 'फायनान्शिअल टास्क फोर्स'द्वारे काळ्या यादीत समावेश करणे हे दहशतवादाशी लढा देण्यासाठीचे योग्य पाऊल आहे. ऑनलाईन माध्यमांमधून पसरवला जाणारा कट्टरतावाद संपवायला हवा. कट्टरतावादी विचारसरणी आपल्याला संपवावी लागेल, असेही रावत म्हणाले. ते दिल्लीतील रायसीना डायलॉग या कार्यक्रमात बोलत होते. जोपर्यंत काही देश दहशतवाचा पुरस्कार करत राहतील तोपर्यंत दहशतवाद आपला पिच्च्छा सोडणार नाही. ते देश दहशतवाद्यांच्या आडून छुपे युद्ध सुरूच ठेवतील, असे म्हणत रावत यांनी पाकिस्तानवर अप्रत्यक्षपणे निशाणा साधला. दहशतवादाचा पुरस्कार करणारे देश दहशतवाद्यांना शस्त्रात्रे आणि आर्थिक मदत करत राहतील, त्यामुळे दहशतवाद सुरूच राहील, जोपर्यंत आपण त्याच्या मुळाशी पोहोचत नाहीत, तोपर्यंत दहशतवाद संपणार नाही, असे रावत म्हणाले. अमेरिकेवर ९/११ ला हल्ला झाल्यानंतर ज्या पद्धतीने त्यांनी दहशतवादाचा सामना केला त्या पद्धतीने आपल्याला दहशतवादाविरोधात युद्ध पुकारण्याची गरज आहे. जो देश दहशतवादाला थारा देत असेल त्याच्यावर कारवाई करण्याची गरज रावत यांनी व्यक्त केली.