रॉबर्ट वाड्रा यांना मिळाली भविष्य सांगणारी गाय, म्हणाले हॅलो डार्लिंग! छायाचित्रे व्हायरल

रॉबर्ट वाड्रा यांनी देशाच्या विविधतेवर आपल्या भावना व्यक्त केल्या आहेत.

नवी दिल्ली - रॉबर्ट वाड्रा यांनी देशाच्या विविधतेवर आपल्या भावना व्यक्त केल्या आहेत. एका गायीच्या छायाचित्रासह गुलाब विकणाऱ्या काही लहान मुलांची छायाचित्रे वाड्रा यांनी टि्वटरवर शेअर केली आहेत.

'तुम्ही रस्त्यांवर फिरून खूप काही शिकू शकता. लोकांची मदत करु शकता. त्याबदल्यात त्यांचे वास्तवातले हास्य पाहू शकता. त्यांचे हास्य हीच गुलाबाची फुले असून तुम्ही ती मिळवू शकता. याचबरोबर तुम्ही एका अशा गायीला भेटू शकता, घाबरून मान हलवते आणि संमती देते. त्यातून तुम्हाला चक्क तुमचे भविष्य सांगण्यात येते. ही बाब कमालीची मनोरंजक आहे. अशा अद्भुत देशाचा आपण एक भाग आहोत, ही बाब मला भावते,' असे त्यांनी आपल्या टि्वटमध्ये म्हटले आहे.

रॉबर्ट वाड्रा सोशल मिडियावर नेहमीच सक्रीय असतात. विविध विषयांवर ते आपली मतं आणि विचार मांडतात.