नवनिर्वाचित खासदार श्रीपाद नाईक यांनी घेतले 'महालक्ष्मी'चे दर्शन

उत्तर गोवा लोकसभा मतदारसंघातून पाचव्यांदा निवडणून आलेले खासदार श्रीपाद नाईक यांनी आज पणजीचे ग्रामदैवत महालक्ष्मीचे सपत्नीक दर्शन घेतले.

पणजी -उत्तर गोवा लोकसभा मतदारसंघातून पाचव्यांदा निवडून आलेले खासदार श्रीपाद नाईक यांनी आज पणजीचे ग्रामदैवत महालक्ष्मीचे सपत्नीक दर्शन घेतले. त्यांच्यासोबत पणजी विधानसभा पोटनिवडणुकीत पराभूत झालेले भाजपचे उमेदवार सिध्दार्थ कुंकळ्येकरांसह भाजप कार्यकर्ते उपस्थित होते.

निवडणुकीसाठी उमेदवारी अर्ज दाखल करतानाही नाईक यांनी महालक्ष्मी आणि इमेक्युलेट चर्चमध्ये जाऊन धर्म गुरुंचे आशीर्वाद घेतले होते. पाचव्यांदा निवडून येऊन श्रीपाद नाईक यांनी सर्वाधिक वेळा या मतदारसंघातून निवडणून येण्याचा विक्रम केला. नाईक यांनी काँग्रेसचे उमेदवार गिरीश चोडणकर यांचा ८० हजार मतांनी पराभव केला.