नवी दिल्ली - फ्रान्समधील जी-७ परिषदेमध्ये भारताचे पंतप्रधान नरेंद्र मोदी आणि अमेरिकेचे राष्ट्राध्यक्ष डोनाल्ड ट्रम्प यांची भेट झाली. यावेळी काश्मीरप्रश्न मोदी चांगल्या प्रकारे हाताळतील", असा विश्वास अमेरिकेचे राष्ट्राध्यक्ष डोनाल्ड ट्रम्प यांनी व्यक्त केला. यावर भाजपवर कडाडून टीका करणारे शत्रुघ्न सिन्हा यांनी मोदींचे कौतुक केले आहे.
'फ्रान्समधील जी-७ परिषद तुम्ही खुप चांगल्या प्रकारे हाताळली असून अमेरिकेच्या राष्ट्राध्यक्षांसोबतची तुमची मैत्री अगदी उघडपणे सर्वांना पाहायला मिळाली. दोन्ही देशांमधील संबंध अधिक दृढ करण्याच्या मुत्सद्देगिरीला यश आले. जरी तो चित्रपट चालला नसला तरी मात्र तुमची जादू चालली', असे सिन्हा यांनी टि्वटमध्ये म्हटले आहे.