चंदीगढ - हरियाणाच्या पंचकुलामध्ये पाच वर्षाच्या चिमुकलीसोबत अत्याचार करून तिची निर्घूणपणे हत्या करण्यात आली होती. याप्रकरणी पंचकुलाचे अतिरिक्त सत्र न्यायाधीश नरेंद्र सुरा यांनी अल्पवयीन आरोपीला जन्मठेपेची शिक्षा सुनावली आहे. न्यायालयाने या अल्पवयीन आरोपीला जन्मठेपेची शिक्षा आणि 30 हजार रुपयांच्या दंडाची शिक्षा ठोठावली आहे. विशेष म्हणजे या प्रकरणात न्यायालयाने खटल्याच्या अवघ्या दोन महिन्यांत दोषी आरोपीला शिक्षा सुनावली आहे. या निर्णयाचे जिल्हा अॅटर्नी यांनी ऐतिहासिक निर्णय म्हणून वर्णन केले आहे.
चिमुकलीवर अत्याचार करून तिचा निर्घूणपणे खून करणाऱ्या अल्पवयीन आरोपीला जन्मठेपेची शिक्षा
न्यायालयाने पोक्सो कायद्याच्या कलम 6 नुसार 20 वर्षांची शिक्षा आणि 10 हजार रुपये दंड, भादंवि कलम 376 नुसार 20 वर्षांची शिक्षा आणि 10 हजार रुपये दंड आणि भादंवि कलम 302 नुसार जन्मठेपेची ( जन्मभर नाही, परंतू राज्याच्या धोरणानुसार) शिक्षा सुनावली आहे.