महाराष्ट्राचा वर्धापनदिन : पंतप्रधान मोदीही म्हणाले 'जय महाराष्ट्र'!

संयुक्त महाराष्ट्राचा आज साठावा वर्धापन दिन आहे. यानिमित्ताने पंतप्रधानांनी आपल्या अधिकृत ट्विटर हँडलवरून मराठीमध्ये ट्विट करत मराठी बांधवांना शुभेच्छा दिल्या आहेत.

नवी दिल्ली - संयुक्त महाराष्ट्राचा आज साठावा वर्धापन दिन आहे. यानिमित्ताने देशाचे पंतप्रधान नरेंद्र मोदी यांनी मराठीमधून ट्विट करत शुभेच्छा दिल्या आहेत.

आपल्या अधिकृत ट्विटर हँडलवरून मराठीमध्ये ट्विट करत पंतप्रधानांनी मराठी बांधवांना शुभेच्छा दिल्या आहेत. "महाराष्ट्र दिनानिमित्त महाराष्ट्र राज्यातल्या बंधू- भगिनींना माझ्या शुभेच्छा. देशाच्या जडणघडणीतील महाराष्ट्राच्या भरीव योगदानाचा भारताला अभिमान आहे. येणाऱ्या काळात राज्याच्या प्रगती आणि संपन्नतेसाठी मी प्रार्थना करतो. जय महाराष्ट्र !" असे त्यांनी आपल्या ट्विटमध्ये म्हटले आहे.

महाराष्ट्र राज्य स्थापनेचा यंदा हिरकमहोत्सवी वर्धापनदिन आहे. १ मे १९६०ला संयुक्त महाराष्ट्राची स्थापना करण्यात आली होती. यासाठी दिलेल्या लढ्यामध्ये १०६ आंदोलकांना वीरमरण आले होते.

हेही वाचा :संयुक्त महाराष्ट्राचा लढा ज्या ताकदीने लढलो त्याच ताकदीने ‘कोरोना’विरुद्ध लढू व जिंकू – उपमुख्यमंत्री अजित पवार यांचा विश्वास