भारतीय लष्कराने पाकिस्तानचे 'एफ-१६' विमान पाडले

पाकिस्तानच्या हवाई दलाचे 'एफ-१६' विमान भारताने त्यांच्याच हद्दीत पाडले. या विमानाने भारतीय हद्दीत घुसून सीमा भागात बॉम्ब फेकले होते. जम्मू-काश्मीरच्या राजौरी भागात पाकिस्तानने टाकलेल्या बॉम्बचे काही तुकडे लष्कराच्या तळाजवळ सापडले आहेत. त्याची छायाचित्रेही वृत्तसंस्थांनी प्रदर्शित केली आहेत.

नवी दिल्ली - पाकिस्तानच्या हवाई दलाचे 'एफ-१६' विमान भारताने त्यांच्याच हद्दीत पाडले. या विमानाने भारतीय हद्दीत घुसून सीमा भागात बॉम्ब फेकले होते. पाकिस्तान सीमेच्या आत ३ किलोमीटर अंतरावर पाडल्याची माहिती आहे. पाकचे हे विमान पडताना दिसल्याचे सांगण्यात येत आहे.

मंगळवारी भारताने दहशतवाद्यांच्या तळावर हवाई हल्ला केला होता. तर, आज त्यांचे एक विमान पाडण्यात भारताला यश आले आहे. जम्मू-काश्मीरच्या राजौरी भागात पाकिस्तानने टाकलेल्या बॉम्बचे काही तुकडे लष्कराच्या तळाजवळ सापडले आहेत. त्याची छायाचित्रेही वृत्तसंस्थांनी प्रदर्शित केली आहेत.

ज्या विमानाने भारतात घुसून हल्ला करण्याचा प्रयत्न केला, त्याच विमानाला त्यांच्याच हद्दीत पाडण्याची लष्कराने कामगिरी केली आहे. हे विमान एफ-१६ असल्याचे स्पष्ट झाले आहे. पाकिस्तानच्या हद्दीत 'लाम दरी', नौसेरा भागात विमान कोसळल्याची माहिती आहे. मंगळवारी भारताने पाकिस्तानवर केलेल्या हल्ल्यानंतर दोन्ही देशांमध्ये तणावाचे वातावरण आहे. पाकिस्तानकडून सीमेवर गोळीबार केला जात आहे. गोळीबारात सकाळी भारताचे पाच जवान जखमी झाले होते. त्यांची प्रकृती आता स्थिर आहे.