श्रीनगर- जम्मूच्या दोडा जिल्ह्यामध्ये एका मायलेकींचा बुडून मृत्यू झाल्याची घटना घडली आहे. जिल्ह्यातील एका छोट्याश्या गावामध्ये ही घटना घडली. आपल्या बुडणाऱ्या मुलीचा जीव वाचवण्याच्या प्रयत्नात आईचाही मृत्यू झाला, अशी माहिती समोर येत आहे.
मिळालेल्या माहितीनुसार, चिल्ली-पिंगल गावामध्ये राहणारी झरीना (१७) ही झरा ओलांडत असताना पाण्यात पडली. हे पाहताच तिची आई समीना बेगम (४३) यांनीही तिला वाचवण्यासाठी पाण्यात उडी मारली. मात्र दुर्दैवाने दोघीही या वाहत्या झऱ्यामध्ये वाहून गेल्या. पोलीस अधीक्षक राज सिंह गौरिया यांनी ही माहिती दिली.