रांची - बिरसा मुंडा चिडियाघर प्रबंधनाने ३ महिन्याच्या हत्तीच्या पिल्लाला क्वारंटाईनमध्ये ठेवलेले आहे. पिल्लाला येथील लोक प्रेमाने छोटा सम्राट म्हणून संबोधत आहेत. वन कर्मचाऱ्यांसोबत हे पिल्लू मिसळून राहत आहे. पिल्लाला केळी, दूध दिले जात आहे.
हत्तीच्या पिल्लाला ८ मार्चला चाईबासाच्या जंगलातून आणून क्वारंटाईनमध्ये ठेवण्यात आले आहे. कोरोनाच्या पार्श्वभूमीवर या पिल्लाला एकांतवासात ठेवण्यात आले आहे, अशी माहिती पशुचिकित्सक डॉ. अजय यांनी दिली.
हत्तीचे हे पिल्लू खूप छोटे आहे. जंगलात राहणाऱ्या जनावरांमध्ये अनेक प्रकारचा संसर्ग असतो. त्यामुळे अशा जनावरांना चिडियाघरात ठेवण्यापूर्वी २८ दिवसांपर्यंत क्वारंटाईनध्ये ठेवतात, असेही अजय यांनी सांगितले. क्वारंटाईन कालावधी पूर्ण झाल्यानंतर पिल्लाची एक चाचणी होईल. यानंतर त्याला चिडियाघरात पाठवले जाईल, असेही अजय म्हणाले.