बंगळुरू - अभिनेत्री कंगना रणौत विरोधात गुन्हा दाखल करण्याचे आदेश कर्नाटकातील तुमकूरू जिल्हा न्यायालयाने पोलिसांना दिले आहेत. कृषी कायद्याविरोधात देशात शेतकऱ्यांचे आंदोलन सुरू असून कंगना रणौतने आंदोलक शेतकऱ्यांबाबत एक ट्विट केले होते. त्यावरून वाद निर्माण झाला होता.
रमेश नाईक या वकिलाने न्यायालयात कंगना रणौतविरोधात तक्रार दाखल केली होती. त्यावर न्यायाधीशांनी कंगनावर गुन्हा दाखल करण्याचे आदेश कैथसंदरा पोलिसांना दिले आहेत. फौजदारी संहिता कलम १५६(३) नुसार तक्रार दाखल झाली होती असे, न्यायालयाने सांगितले आहे.