देहरादून- कारगिल युद्धाला 20 वर्ष उलटून गेली आहेत. मात्र, या युद्धात शहीद झालेल्या जवानांच्या शौर्याला आणि बलिदानाला देश आजही विसरलेला नाही. शहीद झालेल्या वीर जवानांचा अनेक शौर्यगाथा आहेत. शहीद जवान विजय भंडारी यांच्या आईचीही अशीच एक कथा आहे. रामचंद्री यांनी आपल्या मुलाला देशासाठी अर्पण केले होते. मात्र नशिबाने त्यांच्यावर अन्याय केला आहे.
कारगिल युद्धात एकुलता एक मुलगा गमावलेल्या मातेची करुण कहाणी
देशासाठी बलिदान देणाऱ्या जवानाच्या आईला आजही दु:खात जीवन जगावे लागत आहे. 17 व्या गढवाल राईफलचे जवान विजय भंडारी लग्नासाठी सुट्टी घेऊन गावी आले होते. लग्नानंतर दहा दिवसातच त्यांना तातडीने कामावर बोलावण्यात आले. त्यामुळे पत्नी आणि आपल्या आईला निरोप देऊन विजय भंडारी युद्धासाठी रवाना झाले. मात्र ते पुन्हा कधी परतलेच नाहीत.