जम्मू-काश्मीर : दहशतवादी आणि सुरक्षा दलांमध्ये चकमक सुरू, २ दहशतवाद्यांचा खात्मा

२ दहशतवाद्यांचा खात्मा करण्यात आला आहे. अजूनही शोध मोहीम सुरू आहे. जप्त केलेल्या वस्तूंवरून हे दहशतवादी जैश-ए-मोहम्मदचे असल्याचे समोर आले आहे.

श्रीनगर - जम्मू-काश्मीरमधील शोपियानमध्ये दहशतवादी आणि सुरक्षा दलामध्ये चकमक सुरू आहे. यात २ दहशतवाद्यांचा खात्मा करण्यात आला आहे. सकाळी चकमक सुरू झाली. याविषयी आयजीपी एस. पी. पणी यांनी माहिती दिली आहे.

'दहशतवाद्यांची शोध मोहीम सुरू झाल्यानंतर त्यांनी आमच्यावर लपून गोळीबार सुरू केला. सुरक्षा दलांनीही प्रत्युत्तरादाखल कारवाई सुरू केली. यात २ दहशतवादी ठार झाले. त्यांच्याकडील आणि हत्यारे आणि दारूगोळा ताब्यात घेण्यात आला आहे,' अशी माहिती एस. पी. पणी यांनी दिली.

'अजूनही शोध मोहीम सुरू आहे. जप्त केलेल्या वस्तूंवरून हे दहशतवादी जैश-ए-मोहम्मदचे असल्याचे समोर आले आहे,' असे ते म्हणाले.