श्रीनगर - शहरातील लाल चौकातील क्लॉक टॉवरवर ध्वज फडकवण्याच्या प्रयत्नात असलेल्या भारतीय जनता पक्षाच्या कार्यकर्त्यांना जम्मू काश्मीर पोलिसांनी ताब्यात घेतले आहे. यावेळी भाजपच्या कार्यकर्त्यांनी 'भारत माता की जय' आशा घोषणा दिल्या. याचबरोबर त्यांनी मेहबूबा मुफ्ती यांच्या पीडीपी कार्यालयावर देखील तिरंगा ध्वज फडकवला. यामुळे सध्या जम्मू काश्मीरमध्ये तणावाचे वातावरण निर्माण झाले आहे.
भाजपाच्या कार्यकर्त्यांना जम्मू काश्मीर पोलिसांनी ताब्यात घेतले
जम्मू काश्मीरच्या माजी मुख्यमंत्री आणि पीडीपी प्रमुख मेहबूबा मुफ्ती यांची जवळपास 8 महिन्यांनंतर नजरकैदैतून सुटका करण्यात आली आहे. त्यांनी पत्रकार परिषद घेत, जोपर्यंत जम्मू काश्मीरला विशेष दर्जा प्राप्त होत नाही. तोपर्यंत आम्ही तिरंगा फडकवणार नाही, असे म्हटलं होते. त्यानंतर भाजप कार्यकर्ते आक्रमक झाले होते.