पोलिसांचा 'अजब' कारभार, ट्रक चालकाला विनाहेल्मेट वाहन चालविल्यामुळे पाठवले चलन

उत्तर प्रदेशमधील हापूर येथील वाहतूक पोलिसांकडून नवनवे पराक्रम केले जात आहेत.

नवी दिल्ली -उत्तर प्रदेशमधील हापूर येथील वाहतूक पोलिसांकडून नवनवे पराक्रम केले जात आहेत. एका ट्रक चालकाला विनाहेल्मेट वाहन चालविल्यामुळे चलनाची नोटीस पाठवल्याचा प्रकार घडला आहे.

ग्रहमुक्तेश्वर येथील एका ट्रक चालकाला हेल्मेट न घातल्यामुळे आणि ड्रायव्हिंग लायसन्स न बाळगल्यामुळे चलनाची नोटीस गेली. 'मी या संबधीत माहिती मागवली. चौकशीअंती ही टायपोग्राफिक त्रुटीमुळे नोटीस चूकून गेल्याचे स्पष्ट झाले. चलन रद्द केले जाईल', असे वाहतूक पोलिसांनी सांगितले आहे.

मोटार वाहन कायदा लागू झाल्यानंतर मोठ्या रकमेच्या पावत्या देण्यात येत आहेत. यात काही अजब प्रकारही समोर आले आहेत. असेच एक प्रकरण उत्तर प्रदेशातील अलिगड येथे घडले होते. वाहतूक पोलिसांनी कारचालकास हेल्मेट न घातल्याबद्दल दंड ठोठावला होता.

मोटर वाहन दुरुस्ती विधेयक गेल्या 31 जुलैला राज्यसभेत पास झाले होते. १ सप्टेंबरपासून देशभरात लागू करण्यात आले आहे. यामध्ये ट्रफिक नियम तोडल्यानंतर भरण्यात येणाऱ्या चलानाची रक्कम 10 ट्क्क्यांनी वाढवण्यात आली आहे.