हैदराबाद- भारतीय अवकाश संशोधन संस्था इस्रोच्या वैज्ञानिकाची हत्या झाल्याने खळबळ उडाली आहे. एस. सुरेश असे या वैज्ञानिकाचे नाव आहे. हैदराबादमधील अमीरपेठ भागातील अन्नपूर्णा अपार्टमेंटमधील फ्लॅटमध्ये ते मृतावस्थेत आढळून आले. एस. सुरेश हैदराबादमधील इस्रोच्या अखत्यारीतील नॅशनल रिंमोट सेंसिग सेंटरमध्ये मागील २० वर्षांपासून कार्यरत होते.
अज्ञात व्यक्तीने सुरेश यांची हत्या केली. ते मुळचे केरळचे असून मागील २० वर्षांपासून हैदराबादमधील नॅशनल रिंमोट सेंसिग सेंटरमध्ये कामाला होते. मंगळवारी कामावर न आल्याने त्यांच्या सहकाऱ्यांनी फोन करण्याचा प्रयत्न केला. मात्र, प्रतिसाद न मिळाल्यानं सहकाऱ्यांनी सुरेश यांच्या पत्नी इंदिरा यांना याबाबत माहिती दिली. त्या बंगळुरु येथे बँकेमध्ये नोकरी करतात.