पाण्याखालून शत्रूचा वेध घेणारे 'के ४' मिसाईल..

भारतीय बनावटीच्या पाणबुड्यांसाठी संरक्षण मंत्रालयाच्या संशोधन आणि विकास विभागामार्फत (डीआरडीओ) हे क्षेपणास्त्र तयार केले गेले आहे. या पाणबुड्या भारताच्या 'अणु त्रिकूटा'चा मुख्य आधार असतील. पाण्याखाली राहूनही शत्रूचा वेध घेण्याची क्षमता असलेल्या 'के-४' या क्षेपणास्त्राची चाचणी येत्या शुक्रवारी पार पडेल.

भुवनेश्वर -पाण्याखाली राहूनही शत्रूचा वेध घेण्याची क्षमता असलेल्या 'के-४' या क्षेपणास्त्राची चाचणी येत्या शुक्रवारी पार पडेल. आंध्रप्रदेश जवळ समुद्रातील पाण्याखाली असलेल्या एका तळावरून हे क्षेपणास्त्र लाँच केले जाईल. याची खासियत अशी, की पाणबुड्यांमधून लाँच केल्यानंतर हे क्षेपणास्त्र ३,५०० किलोमीटर दूर असलेल्या शत्रूचाही खात्मा करू शकते.

भारतीय बनावटीच्या पाणबुड्यांसाठी संरक्षण मंत्रालयाच्या संशोधन आणि विकास विभागामार्फत (डीआरडीओ) हे क्षेपणास्त्र तयार केले गेले आहे. या पाणबुड्या भारताच्या 'अणु त्रिकूटा'चा मुख्य आधार असतील.डीआरडीओ पाण्याखालून लाँच करता येणाऱी दोन प्रकारची क्षेपणास्त्रे विकसीत करत आहे. यामधील के-४ हे एक, तर 'बीओ-५' हे दुसरे क्षेपणास्त्र आहे. बीओ-५ हे ७०० किलोमीटरची क्षमता असणारे क्षेपणास्त्र आहे.येत्या काही आठवड्यांमध्ये, डीआरडीओ हे 'अग्नी-३' आणि 'ब्राह्मोस' या क्षेपणास्त्रांचीही चाचणी करेल.

हेही वाचा : 'लँबॉर्गिनी', 'फरारी'पेक्षाही महाग आहे हा रेडा..